Kenny The Lord

最近有種回到過去的感覺... 還記得當日見工，第一次見到 Man 神的時間，心裏有種「就係你啦」的感覺，而且項目還是在開始階段，所以十分有希望。 初到貴境，Man 神說期望 我 和 另一位 同事 在三日 看完 Tender + Proposal，之後還要看看點用 Clear Case，可說是臨危受命。之後，在看過了所謂的 "Use Case" 後，手心冒了一把汗，心想...那麼多 Module (單元)，這裏的幾個人真的可以在半年內做好嗎？ 轉眼間，第一期就過去，過了很多個凌晨、通宵、無視紅日照番工之後，希望出現。上頭話吸收左第一期的經驗，想在下一期做番好 d，Team structure 改變、Documentation 要齊少少，會有 Review，定期有 Training，etc...講就當然大家都好理想啦，不過 客戶一話要呢樣又要嗰樣的而時間又唔肯改時間的情況下，所有所有都蒸發了 ~~~ 沒有怨誰，就如拍拖一樣，一起初頭總是滿心期待。不知天高地厚的小子會胡亂許下承諾話會咁咁咁 同 咁咁咁，最後有起事上黎，女仔淚流滿面地話 : 「你當日又話咁咁咁 同咁咁咁...家陣...鳴...」。到時，大家都無癮....我亦唔想去做傻女...要 Think Positive ar ma ~ 總有一天有一個地方可以實現以上的承諾 gal !!! Hm ?~ 我家陣做緊乜？咪等人派 Fault 俾我 Fix law~ 還記得當年做Programmer 時，Tester 報 Bug， 大 Team Lead 派去俾 Team Lead，再由 Team Lead 按 複雜情度去派俾 Developer。如若有問題，Developer 會問 Team Lead 一齊去問 Tester。 我家陣咪就係做緊幾年前做的事 law ~ 回到過去 ~要記得溫故知新 ~ XD

在事業上，付出比人多，所得的經驗亦會較人多。 不是去 Vendor 公司 (簽了約被迫在很短時間做很多東西的公司) 做便會練到 週身刀，其實最重要的是閣下有否付出。 不過事又分兩頭，當閣下發覺自己應接不下時，理應向身邊的人求救。眼見一些年輕有為的同事，接得太多責任，甚至一人分飾多角... 在下想講的...可能會傷到你感受，但係...我真係好想講 量力而為呀 ~ 兄弟！我不忍你做到最後 吃力不討好...仲要俾人話 JAR!

恭賀家慈今日牛一！ 衰仔 沒有為您準備晚餐乃係為世所迫，是日係公司又一重要日子 (I.T. 公司就係喜歡在大時大節去做 deployment --- 對 non-I.T. 人黎講，你當係出新版啦)，在下要週六回公司候備...以免特發事件發生時沒人救火... 可幸截至五時都尚無問題...問題徧徧卻在最後的十分鐘出現... 嗱! Think Positive 的我本來係唔想講 乜野暴風雨前席 架!!! 最後幸得黃師父用迅雷不及掩耳的速度，在五分鐘內找到問題所在，仲改埋 ~ (捏一把汗!!) 在短短的一個鐘內，咱們就做了 : Investigation -> Root cause identification -> Repeat in a test environment -> Change code to fix the bug -> Re-test in the test environment -> Prompt the code -> Build & Release 最後...幸運地七點三放工 ~~~ 多謝各位 ~

話咁快又到年尾，迷信的在下亦已閱覽過網上流傳的 蘇民鋒 的 牛年運程。 書中道在下今年 有桃花星 ~ 仲有貴人 ~ Well ~ 中就當然係好事，唔中咪當俾人氹過下開心咁 囉 ~~~ 黃師父話，就算係識得看命盤、算命、睇流年 都只係 Read Only ~ 要改的話，就要去學奇門遁甲 bor ~ 對不時都三分鐘熱度的在下來說，去學下表面的東西係無問題，但係一旦鑽入去...就只怕會令我失去左嗰種興趣 ~~~

寫 Blog 途中見到有連結學在下如何在這裏加 Gadget (用Google Reader 看的閣下未必會為意)，升級了之前用的 Template ~ 在新Template內 (或者應該叫 Layout) ，加了兩個 Gadget : My Follower 和 My Blog List。 閣下可以 試用 Follower 功能 (雖然在下還未清楚有啥用 ~~) 而 My Blog List 就是我平日在 Google Reader 看的 News Feed 了 (Full List 來的) 有得必有失，右邊的 Twitter 和 Anobii badge 在用了 Layout 卻不能儲存(沒興趣去找原因)，只好等 他們支援新功能 (Gadget)才再加上吧！

「Think Positive！」 一諗起這一句 口號，在下就諗起 鄭中基 為某財務公司拍的那個廣告。 「Take it easy la ！」 「正面d 諗，辦法梗有既！」 雖然一個正面的諗法有時並幫唔到件事，但起碼令自己唔駛俾 那種灰沉沉的氣氛 攪到情緒低落 ~~ 十幾年前睇那本 [如何停止憂慮 開創人生] 時，沒啥記得，只記得 要作最壞的打算，最好的預備。 今時今日，自己常做卻只有 作最壞的打算，然後係咁灰呀灰呀灰呀灰呀 咁灰落去...真係財神見到都走人啦 ~ XDDD 好 ~ Think Positive ~ 最近雖然下班時間沒有啥改變，但不再為 Schedule 擔心後，心情真的放鬆很多 ~ 放得開...有時只係要少一份責任心就行了 ~ 對一些自己不能控制的事太過上心，真的令人很辛苦 ~

兩位三國人物，一幕苦肉計，成了一個歇後語： 周瑜打黃蓋 --- 一個願打，一個願挨 番工如此，愛情路上亦如此吧！ 我愛你，所以就算你打我，我也開心 ~ 你不打我，我卻開始擔心 (好變態呢！！) 人家一個施君，一個受君，相處得好地地，假若閣下係看不過眼的話，大可以出手相救 ~ 無信心又要在別人背後話人...成何體統！！

一個月前，我發覺我的 Diablo II LOD 被 Blizzard Ban 了，由於都己經有一段時間沒有玩了，所有 Account 都應該過期了 ~ 算了吧！ 一件小事，何足掛齒... 今天，在整理電郵時，見到一個名叫 "Gladys" 但久久沒有用過的 Email Folder。本想打開了入面一個又一個的電郵然後一個又一個地刪除...但最後還是選擇了 Select All 然後一次過 Delete，把這個 Email Folder Delete，再把回收筒清空。 一件小事，何足掛齒... 以往在我眼中最重要的，都隨年月變得 失去了也無所謂。 那...今日我覺得重要的，在將來都應該不會再重要。 In the long run, we're all dead . -- John Maynard Keynes 那麼，還有需要努力嗎？ 哈哈 ~ 虎死留皮 人死留名 ~ 至於用哪種方法就係 各施各法。 在旺角高空擲 H2SO4 ？向美國總統擲鞋？為中台大三通而努力？ 我應該做番十一月廿一日前的那個傻佬，定係今時今日的 Certified AssHole？ Hm...真係好難揀 ~ 各有各好 ...

最近在讀一本叫 [The No Asshole Rule] 的書，一邊看一邊留汗。 書中話以下係平日 Asshole 會做的事 : 1) Personal insults 2) Invading one's personal territory 3) Uninvited physical contact 4) Threats and intimidation, both verbally / non-verbally 5) "Sarcastic jokes" and "teasing" used as insult delivery systems 6) Withering email flames 7) Status slaps intended to humiliate their victims 8) Public shaming or "status degradation" rituals 9) Rude interruptions 10) Two-faced attacks 11) Dirty Jokes 12) Treating people as if they are invisible 十二件內，我做左好多件，我已經成為一個 Certified Asshole... 唔知應該去邊個 Organization 攞 Cert. 呢 ~ XD

今日，做完 Gym 後，單挑去睇戲。 我揀左 [地球停轉日]... 以下有劇透 其實都唔係話外星人咁利害令到個地球唔轉，佢地只係黎救地球 gel...而咁啱人類就係攪地球死死下的物種。不過今次 同 [天煞-地球反擊戰] 的外星人唔同，佢地係考察過後覺得人類無得救先至狠心下決定。可惜最後都俾人類動之以情左... 成套片想帶出的訊息就係 如果我地仲唔好好對個地球，總有一日要付出代價。睇完嗰刻，在下好有愛護地球的想法，但一秒後，左邊一個死小孩話：「好無聊呀！」，右邊一個死靚妹話：「嘩！我悶到瞓左兩次呀 ~ 」 我都係覺得個外星人係應該毁滅人類的 ~

還記得之前有位同事 (A 君) 說，佢對某新同事 (B 君) 好好架，見 B 君 野做野做到錯晒都無話佢，只係 A 君自己執番好佢就算 ~ 在這個情況，在下會覺得 B 君學唔到野， A 君亦都只係 Keep 住做 B 君 (Entry Level) 的東西，總是覺得相方都沒有啥進步...可能相方都俾左面對方...但另一方面亦可能會埋怨對方廢 ~ 在工作上要估下估下，其實都係幾麻煩 ~ 不過人人的處事方法都不同，都有值得參考的地方 ~~~ 以前的我遇到這種情況，就會走埋去爆人，家陣當笑話睇、笑一笑就算啦 ~ 應該嚴以律己，寬以待人 gal ~ 改左 d code 佢 !? 唔好玩啦 ~ 改完試唔晒炒左粉，我咪乃野 !? 傻 ga !? (老屎忽) 我都係跟番個遊戲玩 ga jar ~ 1) Requirement 未傾好 !? 做 Design 嗰陣先算啦 ~ 2) Design 未做好 !? 寫左 Code 先算啦 ~ 3) D Code 唔 reusable bor !? Work 左先算啦 ~ 4) Code 爛 !? Maintain 嗰陣先算啦 ... 又唔係唔 Work ~ 5) 到要 加 / 改 時... let see what happen when the shit hits the fan 咩話？我唔可以咁...唔好玩啦，我一諗起班 Sales 哥哥月入幾皮，九點幾 就左擁右抱時，我覺得仲留在辦公室 OT 係一件好硬膠的事 ...

最近在胡忠大廈附近，遇到幾個舊 Core 同事 (Kwan, Alex So & Amy)，不過都係打左一個招呼就大家各有各走了。

昨晚跟同學們溫故知新，集思廣益，不知不覺練了兩個多小時舞，回到家時睏到不能... 今晚跳舞考試。 試後，老師點名批評 在下 於 考試頭一部份失分最多。 衰左乜！？ 老師話跳舞考試，音樂唔停，考生係唔會停的...同埋...就算跳錯就要繼續去，唔好俾考官見到你好似一跳錯就死火 bor ~ Well ~ 我今晚就係一開始就發台瘟... 數錯拍，頭一步就入錯左 ~ Progressive Walk 行多左一個...攪到錯左腳... 之後的...就因為之前的錯令到個心好粉亂...亂到下一個又跳錯埋...真係...呀 ~~~心理質素 欠佳... 不過跳多幾個花之後，就跳完了條 line...但原來最錯就係在下以為只係需要跳其中一個部份，所以只係跳左半隻舞就停左落黎，無繼續跳... 老師話覺得我個 Leading 好差...跳錯就停...又要攞過個姿勢先開始...但又入唔到 Bit ~ 變左覺得我好似成日都 freeze 左咁 ~ XDDD 餘下的兩部份考試 ~ 在下覺得應該都無乜問題 gal ~ Anyway ~ 覺得今次考試 顯示出在下兩個弱點 : 1) 自以為是 2) 唔明又唔問 扺死！ 可憐 Partner 要陪我低分 ~

以下是 陳少琪 先生 填詞的 [我應該] : 你眼蓋脫了色彩　頸巾即將鬆脫下來 我在探聽誰像親你在懷內　可是你　心不會裝載 而我知身受其害　仍然在說都不必分開 *應該早已沒期待　應該心死為何仍未放開 應該不要回來任你傷害 戀甚麼愛　你精彩　我悲哀（戀甚麼愛　你高山　我深海） 盼你性格會更改　始終苦等一個未來 你諷刺我人活於五十年代　不用再　得一個真愛 常痛哭躲在門外　誰人共你正在內　傳來聲聲喝采 最近還是未想得通... 我是否應該繼續愛I.T. 還是...應該出去走一走... 還是...應該轉變一下角色...

今個星期過得很快，回想一下，噢！原來我只工作了三天！放假的兩天，一天去了幫一位大同做兄弟，一天留了給自己休息。 休養的那天去了找Kammy拍畢業照 (有人之前講到當日唔影就無得影，所以我 Plan左過去；及後又有人醒起原來 due date 係之前一日，己經 extend 左...不過我 既 Plan 左就照 Execute la )。午餐後去了打左陣機，之後去了 APM 看六點零五分的 Burn After Reading。不過原來平日，六點零五分的戲都有十幾人入場睇的... 我越來越想念放工還見到日落的日子了... 這陣子好像向心力不足...唉 ~ 週六跟 很不久不見的 MF, Terry 和 崑崑 一起行 麥理浩徑 第二段，雖則不太難行，但足以令我肌肉酸痛兩日。而途中，在下時熱時凍，好似又中招了...。不經不覺，原來跟 MF 一年多沒見了，時間過得很快。Recession 情況下，大家都要努力！ 週六晚是 HKDSA [website update 了] 一年一度的 Christmas Party！今年我帶了新朋友來，都沒有時間跟其他同學們跳舞 ~ XD 不知甚的，總覺得今年的舞會過得很快。排名不分先後，我要特別鳴謝 SM、Kammy 和 Magdalene 當晚作 Helper。希望各位享受舞會 ~ 今天，又是九點起身出門做推拿，做 Gym。不過由於這幾天都沒有好好休息，所以沒啥力舉鐡 ~ 跳 Steps 時，驚覺原來整個 Class 得我一個係 Male...而且仲係跳得好差嗰隻 ~

今年第二次做兄弟時，跟久別了的大同見面，他第一句說話就係一句好入心的 feedback Kenny, 你實在太過容易原諒自己啦，你攞番你大學畢業張相出黎對一對，你睇下自己肥左幾多！？ OTL ~ 忠言，很久沒有聽了 ~

做項目開發，在下不時都會做到不死不活、情緒低落。 二零零六年，看過了四十頁 Pragmatic Project Automation，認識了 CruiseControl、用 Ant 去行 script 做 Build Process 加少少 Publish (近來俾 SM 話我寫得不倫不類、做一半唔做半...) 兩年後，身處的這個 項目，沒有 一句就運行的 Build Script、沒有 Continuous Integration、沒有 CruiseControl、沒有Junit / JMock、沒有 Wiki，只有重蹈覆轍，只有重複之前的痛苦。上個項目我在中後期才進入，但今個項目，我都算係在初期就進入，卻只有這樣... 我只覺得自己很可悲，活在 I.T. 無間道

不論 OOP 或 PP, 準時交貨而且能夠達到要求，便是好程式！ 正面：只要程式能在有限時間內達到客人要求，用甚麼方法寫並不重要！ 負面：Work 咪算 law ~ 攪到多野做乜！折乜野 Class ！？做乜野要 OOAD！？做乜要 Refactoring！？家陣 d 野好地地咁 work 你係咪要攪到佢唔 work 先安心！？ 註 : OOP = Object-Oriented Programming PP = Procedural Programming Refactoring

今早在按摩時聽到收音機介紹到 Depressed Little Prince 這個網頁，原來之前在某個地方見過這個憂鬱小王子了。 這個網站內的圖畫、音樂和字體都令人想繼續看下去。 上幾個星期，保險經紀致電約見，問到有沒有短期的儲蓄計劃。我答有，三年前買了一份基金為結婚用 (家陣諗番其實儲嗰個數真係細到笑死人...酒都未夠擺...也許當時低估了很多事)，今時今日跌到得番六成...不過家陣都唔駛諗咁多，因為那已成為在下絶無僅有的儲蓄。經紀見我有點灰，即時講左一句：「人生有好多波折 gal ~ 我地唔好比一細段較大 gal 波幅影響自己 gal 將來！」 Well ~ 講得好 ~ 師弟！努力呀！ 早前在 Moov 聽到黃菀之重唱 [多悉善感]，內容是推廣 抑鬱可以醫 ~~~

昨日第一次做兄弟，未知會否令身心疲憊，故預先請了一天假。 今天解決了幾個自己覺得係一陣間就攪掂但又等左好耐都無時間攪的事項，解決後又覺得，真的很簡單。 回想一下，自覺自己很久都沒有放假了，開始掛念那種放工在巴士會見到日落的日子。不過家家有本難唸的經，間間公司都有佢要面對同埋解決的問題，而受薪的我當然係要幫手解決啦，不過要解決到乜野情度呢...就真係見人見智啦 ~ 過得自己過得人啦 ~ 本來今日打算唔上網的，但在下於上週六玩過 Wii Fit 之後突然很想買黎玩 ~ 所以上網找邊度有得平 ~ XDDD 一上就幾個鐘...我都係就此擱 Blog ~ 食飯先 ~

這些年來，都不斷復發的病...泡疹一型，昨天又復發了。 麻煩的是，我昨天做 Man神 婚禮的兄弟，少不免要拍照，那可恨的泡疹卻在食完早餐後便出現...接新娘後，我的嘴角已惡化至腫起...鳴...

自 WikiPedia 的出現後，在下都慣了在 Google 搜查時 加上 "wiki" 這字段，令在 WikiPedia 的搜尋結果致頂。其實除了用 Wikipedia 外，之前在老電時，小影試過用 Trac 去分享知識，而那亦是我第一次使用 WikiPedia 以外的 wiki。 Wiki web app 都有搜尋功能，用者不用像以前看 工作文件 / 指引那樣，一頭霧水地在文件海中找尋滄海遺珠 ~ Wiki web app 這類東西，由於是 Web Application(廢話)，所以一定會是只得一個備份；不會像 Document 那般，給你有一份，給他又一份，如果中途有人改了，其他人又可能因為收不到而失去那個 Delta, 又或者需要某人 Merge Changes (痛苦) 而最最最令在下高興的是，任何登記用戶 (有時要看權限控制) 都可以在 wiki 修改內容，任何登記用戶都可以貢獻。就在下以往的經驗而言，很多指引文件 (Set up guide) 都是在項目開始時寫下來的，時至今日已經全部不合時而了，分分鐘還誤導了新入職的同事。文件的價值在於能夠分享到有用的知識，一旦過了期又沒有修正便會變得無用...而方便各位修改的 wiki 亦鼓勵了各位同事對項目的參與 ~ 不過，世上沒有最好的分享方法，只有最合適的，在下一人認為好，未必在其他人的角度裏係好事 (之前用 Doodle 好讓各位攪活動方便點 不用 reply reply reply email, 不過人家不去填都係無用...又或者填左唔到 [那是另一個問題]；之前建議在老電內用 Trac 方便 Bug Tracking + Knowledge Sharing, 不過公司最後還是喜歡自己寫個 Windows Application 去管理) 在下不是心淡了，只是，不強求，量力而為。

今日同位路過的人 講起，好人(a good person, 唔係好人文化指的好人) 係咪都會係一個好情人。 結論係，一個克盡己任的好人，多數都唔係一個好情人：因為佢太多時間會花了在自己的能力能做到的事上，或者要佢幫的人太多了，當佢把所有要做的事做好了後，最後才有時間花在怑侶身上 ~ XDD Anyway, 人在不同階段都有不同重點, Right Person, Wrong Time...Then Sorry ~

星期六 一整天沒有離開過家住的一區，為的是盡量多睡一點。 早上，去了做頭部護理，阿姐又話我 M 字額越黎越高，我都真係費事理佢...佢過一陣又叫我買呢樣買嗰樣，我真係唔係咁喜歡呢類銷售手法。 中午，約左以前的一個補習學生食飯，佢月尾都拉埋天窗啦。食飯嗰陣，佢講起佢近幾年的工作生涯，講起佢未婚夫，講起港女，講起我無女朋友係如何不濟 囧T2... 下午，小睡了片刻直到晚上。 八 至 十二，打了八圈 麻雀，輸了四個大洋...唉 ~ 星期日 推拿，看漫畫，回家小睡，打羽毛球，回家睡覺。 兩天，睡的時間比平時多了，但...老是睡得不長。 比起身體上的累，心靈上的累更令我辛苦。

一連講左咁多篇悶野 (工作不離嗰幾味野...做人又不離死性不改)，今晚突然想講下跳舞 ~ 在下由九月中開始報了於沙田大會堂 由 HKDSA 及 沙田舞蹈團 舉辦 的 倫巴銅級訓練課程 (逢週五上課)。 還記得當年跟 大同 不懷好意 (認識異性朋友 XDD) 去上學校的社交舞課時，第一隻學的應該是 Waltz / Foxtrot, 之後才學到 Cha-Cha-Cha, Rumba, Jive, Tango 等等 ~ 不過當年所學的 Waltz / Foxtrot, 我從來沒有在舞場上用得著...因為當時學的步法都只是一個正方形內行，如果真的在舞場這樣走的話，應該撞倒不少人 XDDD；反而當時學的 Cha-Cha-Cha / Rumba / Jive 到今時今日都仲啱駛 ~ XD 學如逆水行舟，不進則退 ~ (六月的表演舞步，我已經‧忘‧了‧一‧大‧半...老師不要打我 ~~) 舞學了不跳的話，很多姿態會慢慢回到最初時那種隨便的擺動，失去了美感 ~~ 所以必需時常參加跳舞活動 或者上堂才可以 留得住之前所學的 ~ 今次上課，都執左唔少之前隨便的擺動 (e.g. Cucaracha, Progressive Walk)。希望各位同學都享受這過程，練好之後 可以一起去 Christmas Ball 玩 ~ XDD

你會思考嗎？ 可悲的是，絶大陪份時間，在下都不會太深入地想 ...比較多用自己根深蒂固的 假設 和 感覺去應付日常生活 (工作上的能不能做 / 要做多久 等等)，活得久了，幹得耐了，下決定就變得如神經反射般，不經大腦。這是我因循守舊的開始嗎？ 做事前，你是否有三思而後行？ 無名火起時，明知不應講但又忍唔住講左出黎...最後收唔到科，咪要食屎囉 ~ 而戀愛呢？我就唔止三思啦 ~ 左諗右諗，諗到人地都以為我無興，就咁...就變左人地女朋友囉 ~ XD ... 呢 d 都係抵死的...不過, 我都好清楚明白呢 d 自己攞黎的 ~ 唔應該怪其他人呀 ~ 羡慕 每次聽見 黃師父/爾諾 / 小影 一邊拋書包 一邊講得頭頭是道時，心裏都好羡慕 / 恩賞 他們曾經看過那些知識，而且能使用得宜，令到自己發表的偉論更加確立；而反觀自己，卻要 google 去睇番佢地講緊乜野 ... 總結 其實，我都係輸打贏要，只看到他人的收獲而不肯付出的自私自我中心老屎忽。Oops ~ 漏左一個，仲係懶鬼一隻 ~ XD 頭先睇番十年前的自己的文，似乎，呢十年都無變過；除左個脂肪多左、皮膚老左、近視散光都深左之外，改進真係少...再十年後，如果我又仲係咁，咁我真係應該自己跳入堆田區 ~

最近私人時間少(沒時間去識新朋友)，工作壓力大，好多人同埋事都令在下覺得煩躁，不論係口頭蟬、老氣橫秋的語氣、不公齊的 Code、不明所意的改 Code 方法。 其實，錯不在人，亦不在事，錯在我太過執著，未能接受異於自以為好的方法(而閣下亦沒有時間去講解)。 各位都已經盡了自己最大的力去把自己手上的事做好，無知並不是罪(因為在下的 Over due Task 不斷增加，也沒有時間去慢慢教)。 眼看其他舊同事們過著閒雲野鶴 (五點半放工，然後苦惱去邊 / 上乜野興趣班 的生活)，自問了一句 : 何苦呢 ~ 呢幾個月，如果無乜新變動的話，一眾同事都應該要再做多次戰狼先攪得掂呢個項目，不過今次係胡忠 50，唔係會展 50。開心又係捱，唔開心又要捱，我諗我都應該用另一對眼去睇成件事。 今日開左首 High School Musical 3 內的一首叫 Now Or Never 的歌，係講 Team 同埋 Last Chance 的...歌詞如下 : So What are we gonna be? T-E-A-M TEAM Gotta work it out Turn it on! Come on! This is the last time to get it right This is the last chance to make it our night We gotta show what we're all about Work Together This is the last chance to make our mark History will know who we are! This is the last game so make it count, it's Now or Never 在下還記得當年聖誕在老電一個人在 Office Loop 住聽 [今年沒聖誕] + [畫意] + [Lonely Christmas]邊打 code 邊對住個 Monitor 破口大罵 PM, BA, SA, Team Lead, etc... 爛 Code 爛 App 非吾所願！但想一想要在工作時間 同埋 質量之間做一個取捨，我諗好多人都已經番左屋企瞓覺。不過，在下係偏向 仕可殺 不可辱 嗰款 ~ 又不過，只得一個人係咁...亦難以獨活 ~ 一個 B

我認我係小氣...但係對以下的口頭蟬，在下真係聽完耳仔真係好唔舒服： 白痴 低能 唔 make sense 唔知幾時我先至可以做到耳順 (耳順之年係六十...) 出黎做 I.T. 都幾年，自覺自己都仲係好尖，未能做到圓滑。咁多年來，每逢 Project Crunch Time要加班時，心內都係靠一道心內的火去爆、去衝；有時火勢太過猛烈，反而燒左其他人。 午夜夢迴時，有時都會反問自己係咪太過份；但係在嗰一刻嗰一個情況，如果我無爆的話，我最多只可以做到行開一陣，去廁所洗個面，深呼吸一下，然後諗下可以點做 (在下只係試過一次成功執行呢個行為...)。 又或者，呢個又係我不切實際的期望...連自己都做不到的事，我又點可能期望別人能做到 ~ 故人們，安息吧！ 傭兵 只係在有杖打時才有利用價值；紙盒只係在未被打開之前才會被人留住...我一早就已經有覺悟了 ~

門打開了，就在相見的那一刻，我們都被彼此的眼神吸引著，我們慢慢走近著、走近著，直至身體互相輕輕地擦過。 然後，妳走在我前面牽引著、牽引著，妳突然間一躍至床上，還嬌媚地低呤一聲，示意我過來。 此刻，我一湧而上，跪在床邊把妳抱於懷裏，歉意地說著最近忙得不可開交，千萬個不願意把美人妳泠落。我把耳朵貼在妳的背部，聽見妳呼吸變得急速，手不禁輕按妳那些緊張的肌肉，直至妳軟軟的躺在床上。 貓貓 ~ 貓貓 ~ 很久沒跟妳按過了 ~ Btw, 妳好像換了新毛！ P.S. 貓照很難拍...

以下係幾年前我對上級的 comment Team Lead 係好聰明、好叻、做野好快。我都明白如果唔係唔夠人用，公司都唔會請我。但係...佢無時間教我，又期望我會好似其他同年人畢業的人 (中大 IE 畢業 者係同年的極品) 一樣 咁快... 一比之下，我就當然係差差差差差差差...最慘的係...佢的言談之間攪到我覺得我係個白痴 OTL ~ 真係好氣頂呀 ~~~ 雖然該 Team Lead 無時間教我，仲幫我包底...不過自此之後，都無乜機會同佢合作 lu ~~~ 幾年之後，估唔到...我做左一個 更扒街的 Team Lead，除了懂得唱 "在最壞時候必須卑鄙~~~"之外，仲無同仔仔女女們包底 (Well ~ 個人能力問題...不能一個人做多過一個人的事...否則我一早平左黃師父) 在下心裏曾經想過，有無可能同上頭建議有豐富經驗的同事們不應寫 Program 而改為做 Tutor ~ 傾好個 Architecture，教好小朋友才是黃道，但一想到自己耐性不佳，很有可能弄巧成拙時，心裏不禁一寒...在這個 Time frame，似乎唔係一個試新方法的好時間 (Oops ~ 我覺得我講野...越黎越似個老屎忽...) I am so sorry for my imperfect, my over-estimation on our ability, and my under-estimation on the tasks' difficulty. Mea Cupla. Mea Maxima Cupla.

以下這篇是我九月尾寫的...打了沒有 post 出來 9/24/08 現代愛情...給我的印象就是 充滿 背叛 和 欺騙 ~ O~ 自從某年某月某日，我已經明白到...有時...兩個人一齊係要二人好多方面的配合，但不斷的配合又談作容易呢？ 今日講完我愛你愛到死，都難保明日我會落 D 溝女，甚至入廁格做四腳獸；當然另一方的亦可以做差不多的事 ~ 呢 D 互相背叛，實在令人作嘔...表面和平...內裏卻恨不得找新刺激... 如果係單方面俾人背叛呢...被瞞騙者就可以擺出一個受害者的姿態，理直氣壯咁指責另一方 ~ 不過...做左受害之後又如何嗎... 有 D 朋友會安慰下你... 有 D 人會話你 觀察力低... 有 D 人反問你...乜你無留番 d 伏線俾自己咩 ~ 當下一位出現時 ...係咪又要...係咁觀察兼留番伏線呢 !? 咁...好攰 gel ... 拍拖...變成...一個長時間又重複的博奕...咁...不如做一個干物男 / 女

最近，除了買了電話 Omnia 後，還買多了教練堂...今次是真的最後一次買了 (雖然上次也是這樣說...之前 教練說 正常後生仔 半年學得晒，就當我死蠢，再半年我學得晒啦掛 !!) 不過講時講，我就係嗰 d 死唔認輸的人...我就唔信攪佢唔掂 ~ 假若最後真係唔得...我可怪自己真係無乜天份... 突然想起之前睇過的 這篇文 我的火仲未熄 ~ 點解呢 ? 我諗就係因為我對 I.T. 的固執 ~ 不過我覺得...再過多兩三年，我可能都要轉型 ~ 唔係個個人都可以過左三十 都仲 OT 到凌晨...

記得上一次遊船河時，船家是一家三口駛船。到沙灘後，我們各自找樂子。飯後，我們目睹船家妻子羊癎症發作。丈夫即時將妻子從船長位抽出，拉到船中間較寛闊的地方，很肉緊地跟妻子說：「唔駛驚!! 我喺度!! 放鬆呀!! 唔會有事架!!」另一邊問我地有無乜野硬物可以俾佢。由於我的 St. John 急救記憶已經 煙消雲散，我只問了一句：「在場有無人有 St. John First Aid Cert 呀？」萬幸有一位仁兄拔刀相助，才沒有引至慌亂。 我覺得...愛並不是平日我口講幾多句 「我愛妳」；而係在緊急關頭，我會為妳做乜野，或者犠牲乜野...(當然，我們九成九時間都係平日，緊急卻只在一剎那 ~ 而我們又有幾可可以挨到緊急時呢？) 今早見到在番工途中，見到有兩夫婦一起推垃圾車。在下見到這個情景，突然幻想到妻子邊做邊說：「唔係你個衰佬無錢 我駛同你一齊推車！」雖然邊做邊罵，但係佢無離開過丈夫，繼續幹活。從另一個角度黎睇，其實都幾 sweet ~ (XD ~ 我不是受君) 明刀明槍 同 口蜜腹劍，妳又喜歡哪一種？

工作 : 依然係編程傭兵一名 ~ 對設計 模式多了少許 認知，但還是不時受到刺激便發老脾 (昨日中午無啦啦發了一鑊) ~ 耍玩 : 打少左機 ~ 無論係 街機 定 電腦 ~ 不過就走左去參加健身會、打羽毛波、打泰拳 ... 愛情 : 無再拍拖 ~ 因為...無人好得過妳 (講笑) ~ 不過環顧四週同齡的人，不是正在準備結婚 就是 已經為結婚做好準備，有些仲有埋 BB tim ~ 而我 仲係未開始準備 ~ 其實...有需要嗎？結婚其實係為左乜？ 為左生仔？ 我懷疑心急 同埋 火爆係有得遺傳俾下一代的 ~ 生小朋友的話，我怕會為人類社會帶來麻煩多過貢獻 ~ (Anyway ~ Who knows!?) 為左行禮？ 我真係無乜興攪 ~ 但係我好喜歡去睇人結婚 ~ XD 為左提升社會地位？自力更生好過啦 ~ 自己都唔信...走去信人地會帶到好處俾自己... 到暫時為止，都仲未有個好吸引的原因令我有所打算 / 行動 ~ 就由得我單挑地繼續 隨心所欲 吧 ~ 雖說在下有時都會同 d 失戀小朋友傾聯絡多 d，但絶無承人之危的心。在下只係記得當日失戀時，有不少人付出過時間和精神 幫在下走出這個陰霾，今天在下都只係略盡綿力，傾得幾多得幾多 ~ 最緊要的都係當事人別要放棄自己 ~ 你/妳是很好的 ~ 你/妳知道嗎？ 朋友 : 由於工作比較忙，所以都很久沒有攪 / 幫手攪 / 參加 朋友聚會 (婚禮卻不少...下個月五個 ...)，見到朋友的機會少了 ~ 自身 : 上年沒有考試，覺得好像沒有進步過的...不過書卻看多了 (除了漫畫，還會看 I.T. 書 和 一些 番工 / 做人 / 溝通的書 XDD) 下個目標 : 暫定為完成手上工作，準備好 SCEA 考試 ~ 不過前者都不容易應付 ...

很久之前，看了一篇文章，關於賣時間、賣勞力 和 賣成果的人 ~ 今日突然想起了 ~ 有興趣便用 Google 搜一下吧 ~ 這篇文章將不會提供 Hyper Link ~ 如果你係做 I.T 又連 Google 都不會用，我勸你都係做第二行好過啦 ~ 家陣 d 中學生用得都不知幾熟 ... Oops ~ 可能已經唔係 Google ...而係更快更好的方法去找資料了 ~ 如果係我舊得滯的話，咁... Sorry law ~

雖然遲了兩個星期，還望黃師父見諒我有心唔怕遲 ~ 恭賀黃師父 過 SECA 5 Upgrade 考試！ 在 BrainDump 未流於巿面時，黃師父便考了 ~ 證明了黃師父 異於 那些 看 JavaRanch / 大陸 Forum / 背 Braindump 的高分低能。 其實在下亦買了 Voucher 考這個試...但係十劃都未有一撇...OTL 黃師父話，考試問了很多較新的 I.T. 知識... 對於我這個半老的屎忽來講，Hibernate, Spring, WebService - WSDL, SOAP, WS-I compliant, Restful etc...我都係聽過...在 wiki scan 過幾秒 ~ 然後心諗...用到就會識...OTL (脫力) 為了不影響黃師父的聲譽，我想我還是快手考左個試佢...因為我同好多同事講過 如果我係一個 Processor, 黃師父就係一個 Dual Core Processor ~ 我睇怕家陣連佢一半都不如...(灰) 但...我做完手上功夫便會爆氣谷上去 (火)

早前 小影 笑我，說到：「你連放工 gal 時間都控制唔到，你叫你老細點放心交野俾你做呀？」 哈哈，講得啱！我控制唔到時間，亦控制唔到其他人，我只可以控制我的行為... Schedule 一向都唔係一件容易控制的事，尤其係當全世界的 S.A. 都要寫 code 時...誰來做 物件導向分析 及 設計？誰來做代碼回顧？沒有！？那作品必定未如理想，會影響聲譽。但似乎高層徧重的多半是錢 ~ 其後的...日後再算 ~ Well ~ 無可厚非，各人在自己的專業範疇內各展所長，互補不足，鬥爭直至平衡點，對公司來說應該是最好的...但任務分配失衝...舵手走了入機房修理機械時...那...誰來執舵 !? 真的好想見識一下...大象是如何跳舞的 ~

一首係 Beyoncé 的 Irreplacable, 大意係話俾個男人知 佢唔係咁巴閉 ga jar ~ 走左好快有人頂替 ~ 唔會自視太高 ~ 或者係男人根本唔清楚佢 ~~~ 另一首係 鄭秀雯 的 如果我們不再見, 大意係話當時年紀少, 走左寶, 明明係最啱最襯 但已經無縁了, 有點可惜的感覺 ~~~ 兩首歌，兩種態度 ~ 中五那一年做暑假工, 老闆不時同伙計講 呢個世界無話無左邊個唔得 gal ~ 少左個伙計最多咪自己做番 ~ 當時老闆的 目標聽眾當然唔係我啦 ~ 但此話對當年的我來說，是有點入木三分的感覺 ~ 地球就算沒有了我，或者係發生任何事情 (地球爆炸唔計) 依然會轉，所以唔好睇得自己太高、太重要、太自我中心。 出來做事後，人來人往時，只要有 Knowledge Transfer 同埋 足夠 Document，所以有人仕調動都係 Transparent to user / business 的 ~ 我一向都會提醒自己，在職場上，我就係 Irreplaceable 內面嗰個男人 每次接收左 Knowledge Transfer 後，我又會即時打番一份 文件俾同事過目，因為我怕 [如果我們不再見] 會令到我好痛苦 ~ XDDD

秋天到了，在 iPod 內那些節奏輕快的歌跟這天氣顯得格格不入... 今早的 iPod 播起了 [窗外的天氣]，節奏有點悲傷，只可惜現在應該不會再有雨天... 知道妳又回來了這個跳舞世界 (可能妳從未離開過...)，今次是 獨舞 還是 成相成對 ~? 這個問題...我想問...但又明知不應去問...可惜還是打了出來 ~ 這幾年來不斷有同屆的同學結婚，有時候朋友 / 親人 問我幾時到我，我只笑笑口地答，我尚在記點，還未擲骰子。有時我會告訢自己，記憶裏的是 2x 歲的妳，絶對不是現在的妳；何況我是絶不可能接受妳那個離開的原因。可惜，記憶中的妳令我覺得...曾經滄海難為水 ~ (笑) <-- 不要想歪 ~ 天氣真的令人想多了 ~ 祝各位都有情人終成眷屬 ~

早前由於在下的M 記手機不時出現 "記憶已滿"，無論係 轉鈴聲、轉 "靜靜地震" 模式 或 上網 登入 Google Reader ，全部都做唔到 ~ 令到在下 這段時間 手機上網用量大減... 本以為那是 電話網絡服務提供者 的問題，但打過電話去客戶服務查詢，再轉線到 "網絡工程師" 跟我做了半小時的排解疑難後，我們都找不到問題所在。最後 工程師 建議 我在另一部手機再下是否能上網...而結果是...同一張 Sim Card 在家妹的手機上使用...是能正常上網的... (Anyway ~ 在下覺得 "洗馬桶" 的服務質素很好 ~) 不過之前都在網上找過一些網站，解決了某些問題...可惜... 在二零零八年九月廿八日，我的 Moto E680i 壞了(無奈)。不過，它都已經跟了我兩年半，看著我一腔熱誠地走入老電做 蘇老唇地屈立扒 再轉為 現在任職的這份斯巴達工作。作為一部手機來說，它已經很不錯了，我還可以期望甚麼？ 由於之前用過的舊電話仍可以用來接 / 撥電話，所以本人至今仍未買新電話...在下要求很簡單 : 接 / 撥電話 (廢話) 輕觸式 支援手寫輸入法 (大部份 WM 都會支援...MOTO 某些都得) 上網瀏覽功能 拍照 不會太慢 可以自選 MP3 鈴聲 群組鈴聲 FM 收音機

早些在黃師指點下，在網上為自己排了個命盤 (紫微斗數)，找了一些 資料網頁 (網上有很多資料 : 由基本知識、去到如何排盤、再去到如何解 都應有盡有)。看過自己命盤後，心情有點低落。因為在下仔細看過 及 查閱 後，發現自己 的諸宮均不如意，實在萬念俱灰... 黃師父見狀，勉勵在下運多很多種，天運 和 地運 佔了運數的大部份，而有些時侯人後天的努力和 奮鬥 可以改變命運 ~ 當講到地運時，我便即時想起當年 家嚴 分享了一些上玄學課的妙問妙答 學生: "阿 Sir，我計過 XXX 條命唔係咁差 ga bor ~ 佢命不該絕...但點解客死異鄉呢?" 老師: "佢條命點硬點好都無用呀，得罪左 Y 哥，又俾在大陸捉到...死路一條！” 其實，生於香港此地已經唔差，起碼 無戰爭、有水有糧、治安良好、政府部門有投訢機制 及 監督，雖然唔係最好，但亦已經好過好多地方了... 之前有朋友 (Jessica) 話過做人要知足好 ~ 我話知足不如知福 (身在福中不知福 的相反) ~ 突然醒起 Another Day in Paradise...在 Youtube 找到一個有較新版 (2005 年 Brandy 唱的 ) ...雖然佢地唱的方法唔夠 Phil Collins 咁悲，但個 MV 內的情景 ...我諗你同我分分鐘都見過(衣衫襤褸的老人家在討快餐店食別人餘下的食物)...不禁令人流淚 ~ Oh ~ Think twice ~ It's just another day for you, you and me in paradise ~

忘了告訢 諸君，在下已經回到灣仔胡忠 (工作地點) 了 ~ 咁快又過左一年 ~ 在附近番工的朋友 / 舊同事，歡迎約食飯 ~~~ !!!

書的 foreword 提醒了我... 在軟件開發的世界裏，沒有一個完美的開發方法(因為我們都不是完美)，只有較合適的方法... 這就是實事求事吧 ~~ 但如何取決...哪個是較好呢? 在我心目中， Agile software development 是西方業界一個智慧的結晶，在小至中的項目裏比較容易使用 ~ 不過在多過十個人的老公司內做項目的話，一切都會變得很麻煩 ~ 一下子的改變會引至恐慌，但不能撤頭撤尾的改，我只怕會不倫不類，賠了夫人又折兵 ~ 不過，在 Agile Hong Kong 的活動內見到有不少人( Net Dimensions PM / RM 都有出席) 對此有興趣，心裏萬分興奮 ~ 能和一班志同道合的人一起為同一個目標進步，感覺真好 ~~~ XDDD

自中五畢業後，不時都會跟朋友麻雀耍樂。不過在下於最近幾次打麻雀時，發覺自己跟 I.T. 人打麻雀，係有少少不同的 --- 我們不用 現金 / 籌碼，而用 Notebook 加 Excel ... Set Formula 去計現時總數，出 Summary...雖則在下還未用到 plot graph / pivot table 去睇走勢、表現等，但與之前看慣父母於四方城內俾錢的模式比較一下，心裏笑了一笑 ... 時代不同了 ~ P.S. 1 其實除了用 Excel 以外，還可以用 EditGrid ~ XDDDD P.S. 2 原來跟我同屆的 寬爺 一向打牌都係 Excel 表計數的 (佢話方便又唔會錯)...可能我係嗰班後知後覺的人 tim...失禮 ~~~ OTL ...我彷彿已經感覺到有人 iMOM 我了...

還記得當年 Core 年代，跟 湯 方 西征珠海的日子 ~ 每次我們到超巿買東西，湯都會買 伊莉 / 蒙牛，而在下就買 酸奶... 唔知...湯少 你近年仲有無飲 大陸奶呢 ~~~

君子愛財 取之有道 君子好色...亦要取之有道 ~!! 早前看 蘭開夏道 見到作者 在 這篇文內 話個伴遊 有色心 無色膽...仲笑佢笑得咁盡...不禁心中出泠汗 (我也間中幫人按幾下的...但係無收錢...咁我咪仲慘過做...) Anyway, 我覺得男人十個有九個都有色心 (我一定係九個之一 XD)，但係色膽呢家野...在下覺得真係要選擇啱 時間 人物 地點 同 方法 先得... 錯的組合...只令人覺得下流 ... 放假單挑熟女去日本同人按摩... ha ha ~ 令我即時覺得幫異性按摩係好 Dirty tim ~ 在下年幼時體弱多痛，尤其係咳 ~ 每次咳到死的時候，家慈總會給在下塗 薄菏膏 並按摩幾下，好讓在下呼吸舒暢。近年因為自己肩膊痛而認識了一位推拿師父，而推拿師父最近借了本書給在下，好讓在下更清楚人體肌肉、筋腱 和 骨子 是如何連在一起的 ~ 正當 在下 斗膽 想為各位 好同事 好朋友按幾下時，卻給我睇完呢個 entry ... 我諗我應該收皮 ~

早前看 Beowulf 時，因為不知道是數碼電影 (因為見到 Angelina Jolie 的樣就以為係真人拍...)，所以沒有去看 3 D 版，甚為後悔... 所以，當在下知道 地深探險記 會有 3D, iMax 同埋 4D 版時，在下諗都唔諗就話要去 4D 戲院睇 !!! 雖說在下有意，但係要去到無雷公咁遠的 4D超立體巨幕影館 (在機場 翔天廊)時，所有朋友都卻步...最後只找到當年同我共赴深圳 而又咁啱在機場工作的 智者 同我癲 ~~~ Thanks so much ~ 睇完之後覺得，值得 ~ 只係嗰 d 噴人效果實在令人不安...在下覺得可以改去第二 d 位做噴水...而唔係...

最近有唔少朋友在 Facebook 上改變 Relationship Status (由 Single -> In a relationship) 令到我百感交雜 ~ 如果係因為我肥 所以扺我要 Single 的話，我會努力去令自己瘦... 在跟舊同事傾過後，我地決定要攪亂呢個World of Facebook，令到 status update 唔再特別 ~ 所以 ~ 我同佢一齊轉 Status ~ 改做 ~ In a relationship with each other ~ XDDD!!! 留意到在下的status update 的朋友次序為 : Axxc Cxxxxy Bxxxy Axxxxr Mxxxxxxxe Sxxxxxy Pxxxxp Hxxxy 但係黃師父一句說話...令在下不忍繼續下去 ~ 佢話...咁會令我的 Prospect 一下子跌到零...O! Shit! 最近個腦的理性部份俾長期抑壓的感性覆蓋，完全不知所謂...

以下對話 純熟虛構 如有雷同 實屬巧合 Do do ~ Do do ~ Do do ~ 男 : 喂 !? 女 : 喂 ~~~ 男 : 得閒嘛 ? 女 : 唔得呀 ~ 講緊電話呀 ~ 我一陣間覆你呀 ~~~ 三個鐘後 Do do ~ Do do ~ Do do ~ 男 : 喂 !? 女 : 喂 ~~~ (瞓緊的聲) 男 : 妳又話覆我 gal ? 女 : 係 bor ~ 唔記得左 ~ Sorry ar ~ 不過我好眼瞓啦 ~ 男 : 咁...好啦 ~ 妳好好休息 ~~~ 翌日 Do do ~ Do do ~ Do do ~ 男 : 喂 !? 女 : 喂 ~~~ 男 : 妳尋日又話打俾我, 又唔記得 ~ 咁點計先 ~ 女 : 嗱 ~ 如果你有緊要事搵我的話呢，就自然會再打俾我 ~ 如果唔係緊要呢，即係唔覆你都無問題啦 ~ 嗱 ~ 你家陣先打過黎 ~ 証明係無聊野啦 ~~ 嘻嘻~ 男心裏 : xyz@#$%^&*!!!

今朝起身，腦海中還有昨夜夢裏的零星碎片 ~ 夢中見到很久沒有在夢中見過的妳...很想抱妳 ~ 擁妳入懷 ~ 不過...我都係覺得應該要減左肥左先...我怕肚腩會頂住妳 ~ XDDD

很久很久以前，當大家上網都仲係用緊 ICQ 的年代，我一次機緣巧合下在 ICQ 識左一位網友 (其實係當年在大學宿舍沒啥好幹，在 ICQ Random Chat)。當年的我...一百四十磅左右...可能係一百三十幾 ~ 但後來由於 ICQ 不同版本有不同問題...而使用者之間不同版本又引至不同的問題，所以大部份的人都改用了 MSN Message ...我們就此 "失散" 了 ~ 今年年頭，在清電郵時見到跟她 N 年前的 email，便發個 email 給她。幸好她還有用這個 email XDDD ~ 互相 email 過幾次後便改了用 MSN Message，我還將我的近照發給這位網友... 以下是網友的回應... 網友問 : "你做乜肥左咁多 ?"

祝各位在今日生日的人生日快樂 ~~~ 家妹 ~ 生日快樂呀 ~ Derek 哥 ~ 生日快樂呀 ~

之前可能都講過，要約一班人 (多過十個人) 去食飯 / 打波 / 睇戲 / 遊船河 係一件好痛苦的事，難度在於 : 1) 找到一個容易用 的 Tools (用 Email 加自己名的方法, 難以 consolidate, 一般都只會加重 攪手的負擔 ) 2) 就算找到 (1) 都要各位仁兄願意合作使用 3) 要每一個人都在事前 回覆 他能否出 ~ 4) 要參加者記住活動 日期、時間 & 地點 (或找個方法令這些資料很容易找) 5) 太早約的話人們會忘記；太遲約又多數人都話約左人 6) 收數 所以 ~ 心裏衷心感謝攪活動的朋友 ~

昨晚一班舊同事聚會 (晚飯)，在食糖水時間，在下有幸跟 黃師父 和 已婚兼產子 的男同事 Clark同桌。在下衰仔，在談天時爆左黃師父最近愛上 Game Theory (GT) 並賞試將 GT 於各個範籌使用一下，之後更講到如何將 GT 應用於 "溝女" 這方面。大家都討論得很高興，各表所見 ~~~ 在下對 GT 的認識不深，亦未研究過 (簡體書可是有一本!)，不過在下對 愛情 一向都係用感覺，好少用腦去諗有乜野 Strategy令自己成功率上升。如果我之前係亂黎的話，咁我拍過拖又真係幾好彩 (!?) 其實出黎社會做事以後，不時都要因為要故及型象 而不去做一些以前會做的事 (e.g. 開心時大聲笑，得閒講下爛 gag) ；不時亦因為要樹立型象而 做一些以前不會做的事 (e.g. 就算覺得 Client 要求多無理 及 Dilbert 都照受 --- 嗱 ~ 我係 suggest 過佢 ignore 我 jar!)，所以出來社會做事後，感到的就是眼看未為真 ~ 番工時見到的是一個工作時需要的型象 ~ 跟真人可能相差十萬八千里的 (Thus, 跟同事拍拖係需要特別打開自己雙眼 睇清楚，妳 / 你愛上 他 / 她 工作時的型象 還是真人!!) ~ 或許有人不善偽裝，或許偽裝成好真 ~ 但誰是誰非，我們又點會有時間去一一查証 !? 所以在下都係 多一事不如小一便，讓同事們繼續做同事算了 ~ XDDD 專心工作嘛 ~~~ (嘔) 天很愛跟人玩遊戲，想要時你不會見到 ~ 無心時她會出現 ~在下最近又時常在想拍拖 這一回事，其實想...都只不過因為腦子有歪念，要修練一下 ~ 心靜 才會見到 那個人 ~ Btw, 今日黃師父對在下 有以下建議 : 你寫 blog ,最好都係寫得有返D深度,咁樣會好D ,好似Erica 咁 我再去睇一睇 Erica 的 Blog ，實在覺得黃師父錯愛，竟將我跟袁小姐比 ~~ 其實，在下只係想在此Blog 發洩一下平時的怨氣、怒火，還有給朋友們一些 update ~ 從來沒有想過要讀者看完有 "Ah Ha!"、 "係 bor!" 或 "條友有見地!!!" 的回應 ~ 在下愚昧，還請黃師出山 ~ 再出江湖 (其實在下之所以寫...都係因為見黃師父當年 在 BlogSpot 寫

本週日就係堂兄結婚的大日子，在下實在悲喜交集 : 喜在兄長終於走上了成年人重要的一步，結婚是人生的一個重要里程碑呢 ~~；悲則在自己現時...還在情海孤魂野鬼...有雖然不至於時常單挑食飯、睇戲、買衫、跳舞，但...月晚風高時，又總會自歎一下 ~~~ 唔知...後日 有幾多人問...幾時到我呢 ~ 你估開單 定 雙 ?

給人看透的感覺真的很差...尤其係...俾異性... 某日我問朋友 識唔識 xxx 的女仔 ~ 講左一輪之後... 佢一句泠泠的說 : 「算啦 ~ 你 ~~~」 我即時反問 : 「做乜呀? 妳係咪話講 以我呢 d I.T. 死宅男 ~ 想溝 xxx 的女仔 就同 賴蝦毛 想食 天鵝肉一樣呀? 」 佢一秒後回答:「你邊有膽」 我有一輪反駁... 然後佢再 re-assure 咁講多次 : 「你係無嘛」 全身泠涷...一矢中的...我在表達時...真係有少少阻礙... 但...乜原來係咁明顯 ga!?

昨天，星期六，在下沒有表演、沒有彩排、沒有練舞，留在家吃晚飯。 六時許，家慈問我是否有時間陪她去買米，我一口答應了 (在下都還算是壯丁一名)。到了超巿，家慈精挑細選，選了良久才找到 絶無僅有 的香檳，還挑了啤酒給家嚴。 我還以為她想要 慶祝 甚麼 紀念日 或是 奧運成功，但到開餐時，她說，今天很少可地一家人齊齊整整地坐埋一齊食飯，所以要開酒飲... 為何這件以前覺得這件一般的事 (一家人在家同枱食飯)，現在變成值得開香檳？是不是我太過著重某一些東西 而疏忽了家人 才令到事情變得如此 !? 我深信上天是仁慈的，以前那些我可能聽不到、看不見，但我對打後每一次的提點都要小心處理 ~ 妹妹今天教了我一個字 : Cherish

眼見別人能做到我之前未能做好的事... 在下似乎就會假設別人有比我更高的能力... 係咪因為我想解釋我做唔到係因為俾人屈機呢... 但當我發覺那人查實都係無乜特別 : 都係一個會軟弱、會唔開心、會 Hea 的人 就令之前的假設不成立...繼而令我覺得係我有問題... 由於我唔想承認係我錯...所以我就怪係嗰個人 唔得 ~ 如果係咁的話... 我唔應該對任何人有期望... 期望應該只係我自己就夠啦... 別人 和 我也一樣，是個有血有汗 有喜怒哀樂 的人類罷了 ~ 不應該將 他 / 她 神化 ~

早前 舊同事 Tony (Yunion) 結婚，在下在之前約了一眾舊同事們當日飲茶。當日雖然不是我結婚，但我覺得深深被那種快樂的氣氛感染，笑得很燦爛。舊同事們都誤以為我在蜜運中，其實，開心唔一定要拍拖 gal ~~~ 上週一晚下班時，見到一位中學師妹。當年她青春少艾，應該迷倒不少師弟 XDDD 當晚見到她時，她依舊很 Slim 很美 ~ 不過手裏已經抱住一個小 Baby ~ 而她丈夫亦抱住 另一個大少少的 Baby ~ 當時她老公 同囡囡 講 要叫人 ~ 仲叫囡囡叫我做叔叔 tim ~~~ 師妹見我面容僵硬，即時叫囡囡 改叫哥哥 ~~~ 有人辭鄉歸故里, 有人漏晚趕科場 雖然心裏明白 每個人都用不同的速度 去 跑自己的人生，但在下又總會跟別人比較，還不時感到自己有點兒落後...無錢、無屋、無女、無仔、無車...百無~~~ Ok ~ 我就係咁...不會對自己已擁有的感到歡喜，只會看水杯內沒有水的那部份...就是不知足 ~~~ 不過我又覺得，仲後生，仲有得改變 ~~~ 唔好咁快知足好 d~~~ Stay Hungry Stay Foolish ~~~

今年書展，我只行了兩分鐘，一本書都沒有買 (其實想買 Leona Wong 的 [這雙手雖然小]，但同事反問我 唔係上網都有得睇咩？做乜要買...那一刻...我沒有反抗...所以...離開了場地) 反而 上週在 Amazon 一口氣 買了三本 Java / Technical 書，可以由 這裏 看我的書架。而最意想不到的是...不用一星期就寄到我家了 !!!! 不過書到了, 我還未開始看 (其實之前那本 Head First EJB 還未看完...今天還是在 P. 200 / 600... 三分一左右...OTL) 不過 最期待的書 都算是以下三本 : 給您最後的一百封信 (和不敢寄出的最後 一封) 自游記 十年後教堂重聚 作者 全是 乾乾天使 ~~ XDD

白痴諗法 拜得神多 自有神庇佑 打得機多 自有機神庇佑 做得爛項目多 又是否會得到 God of Agile 打求呢 ~~~ 中得槍多又會唔會變為 Immortal 呢 ? 公司文化 人治 和 法治 Project 內的 CMM Level 注意唔係公司的 CMM Level ~ 呢個世界上 有很多 上有政策 下有對策 的情況 當然 ~ CMM Level 高亦唔代表項目一定成功 ~ 只係成功機會更高 可愛 早前跟 Junco 在 MSN 上閒談...佢竟然讚我...可愛...尤其係拍照時的 表情 和 姿勢... 我被人這樣讚...係咪應該開心架？其實我扮可愛...只係想令到 異性們覺得 扮可愛係一件好嘔心的事...尤其係 嗰 d 不學無術 又只靠 可愛動作 / 表情 討人歡心的異性... 但係...竟然有人接受到...仲話我可愛... 定係...佢同我對可愛呢個詞的見解一樣 --- 未過 廿五歲的可愛 = 過左廿五歲 的 白痴 ... (唔係年齡歧視...我只係覺得做左咁多年人都仲係咁...何不考慮捐驅去幫手填海!?) 毒言 其實我把口真係好唔得 ~ 一旦動氣就七情上面咁數臭人...但係呢個有時候又係幾真的一面 bor ~ 定係你會覺得呢個係一個 未受過高等教育的人的表現 !? 我係咪應該留番呢一面真性情俾那些 Close Friend 睇，而唔係 openly 在我個 Blog 度 指桑罵槐 呢？但係我的 Close Friend 又好似好少 咁數臭 ga bor ... Wait ...乜野係 Close Friend 呢 ? 有邊個係呀...Hm...死...好似無乜邊個係...但係又好似個個都係 ~~~ 頭痛...唔諗住 ~~~ 找碴 其實我以前都唔信星座，相信命運在我手架 ~~ 但係某一日，我覺得我對任何事都有很強的批判，又咁啱俾我見到 星座書話 山羊座 對任何事都要求高...那一刻，我感到同意，打後的 都對號入座 ~~~ 其實，我除左對別人找碴，對自己亦不時找碴，自責自己當時沒有乜乜乜 和 物物物，令心情灰得很 ... 那些時間，我都只有找些 正極能量強到爆的朋友 談一下 ~ 危險人物 我發現我要改變一下我坐以待斃、守株待兔的戀愛戰略。 前幾日，坐地鐵時見到個外表係我心儀嗰種的女仔 (手指無指環的...我假設係 Available)，我有

上週五由於在下於下午表演，所以請了一天假。 不約而同地，家妹亦請了假在家 Hea ~ 由於在下很久沒有和家人食飯，所以當日我約了 家妹 午飯。在了餐廳，我見到一位中學同學，我倆見過面打了個照。家妹隨即問他是誰。我如實陳述，豈料家妹竟然說：「勁 bor ~ 佢咁都認到你 !!」 如果我是卡通片內的人物，當時我應該是石化了... 我對家妹的解讀為 : 你以前一百三十磅，家陣一百七十幾，肥左咁多 佢都竟然仲認到你!? 佢真係利害 ~~~ 家妹見我硬直了良久，好像知道我將她的說話解讀成話我肥左...便打番個完場地講 :「其實我係話 你中學嗰陣又唔係乜野有乜咁巴閉，人地都認得你，我覺得好奇 gel ...」 其實...打完場...係要令人好受少少...但係...佢咁講...我反而覺得俾人踩多一腳... 雖然我當年 Hea 攪學生會 攪唔成，最後都笠番個 獅子會 會長做下呀 ~~~ 中六仲被老師選為 模範生 (雖然受之有愧...)，都唔係咁差 gel ... 家妹...我地本是同根生...妳又相煎何太急呢...

前日去了 ThoughtWorks 有份舉辦介紹 scrum 的session，去窺探一下i.T. 世界上的光明一面 ~ 剛到場時只見到 幾位外國人，還以為外了小影和我以外，香港真的沒有人對 agile development 有興趣 ~ 好在 ~ 最後都有一大班 還來的香港人到 ~ 有興趣的朋友收到 Agile 的同行, 可以到 這裏 看一看 ~ 整個 session 都很有趣。傳統 的 Water Fall methodology 的不足 未能 好好管理 Chaos (user 突然間想改 UI, requirement, 發覺某 task 原來被嚴重低估了, etc) 而導致 很多的不幸...令業界們痛定思痛...賞試去用另一些方法去應付問題 ~ 我覺 這個世界沒有最好的方法，只有較好的方法。始終，一個方法能否得到適當的執行是靠人的...不是一個 Buzz word 可以幫到 : 在一個團隊中，沒有人能夠 Commit 去完成任務, 用甚麼方法都係無用 ~ 不過我又覺得肯去運用新方法的公司是 大膽和有遠見的，不變係死硬，變的話都仲有少少機會生存 ~ Zombie company ...我唔想再做 ~ XDDD 不過另一件我想講的事...係我在會議見到有些令我很火滾的人... 1) 遲到 2) 見到有空櫈就立即坐上去...完全無諗過點解後面會有人企...點解會諗唔到個位係有個人坐而佢又啱啱去左廁所... 3) 當佢想去廁所時, 佢又竟然又會叫佢同事坐住佢個位... 4) 當人家做 Demo 時，佢就同佢同事係咁講佢地公司的 blah blah blah ~ 完全唔理會嘈住人地聽野 雖然好唔高興，但係因為當事人係女人，所以我地一班 I.T. 人都好有忍讓地忍足佢全場 (其實我有好幾次想爆句 Can you shut your fucking mouth up and get out of here?)

兩年前，由於新工上任時間比較多，我閒著等任務時 看了一堆跟 Extreme Programming (XP) 有關的資訊。 當年剛好得知 妳來到了香港，我便急不及待的跟妳見面 ~ 但跟妳見面絶不容易呢 ~ 首先要做一個兩文三語 的 電話訪問；然後就是給妳做一份功課；但可惜我最終都敗在 一份 邏輯測驗中...也許...當時妳來是為在香港找客戶...也許...當時我還未夠經驗 未夠聰明 未夠準備...當時我未夠渴望去扒過那道磚牆... 最近得知妳又來了香港，十分高興 ~ 我們有緣份一起嗎？ 她是誰 ? ThoughtWorks 是也！ 不論閣下是 Java , .NET 或 Ruby on Rail 的開發者，如對 XP (不是 Windows XP) 有研究、有興趣，又或者對 Fixed-Price Project 感到絶望，可以來 這裏 看一看 ~

Just get restored to normal mode ~ Sorry for didn't control my emotion well ~ Once it started, I cannot stop it ~ What made me restore to normal? Oh ~ There's a guy treated me nicely and then ...I felt happy again ~ Hahaha ~ I just like a kid ... Still ~ I am too impulsive to the external world ~~~

I am gonna fall ... into a dark hole...a vicious cycle.. I am not used to get up early... I am not used to practice dance that much... I am not used to work that much for such a long period... I am not used to take this much pressure... I am not used to be single... I am not used to play this role... And, I am not used to feel my immaturity... I know all those around me are suffering the same... But the bad feeling is gonna eat up my soul ~ I hate myself to be lazy! I hate myself to be naive! I hate myself to be idealistic! I hate myself to be immature!!! Thanks for your encouragement your parents and friends love you this much... so if u think you can, u can... dun pay too much attention to the results, u shall think like once u've tried your best, thats all u can do... even if u make minor mistakes, that's normal human beings and this bear But I am too mean to accept my own flaws... I spent my rage and time in Thai Boxing / Gym...but my weight never reduces ~ I tried to voi

你有試過愛上人嗎？愛上一個人的感覺是如何的？ 很久之前，我試過一次 Passion ~ 就如在充滿氣油的房間內點火 ~ 轟轟烈烈的 ~ 我想我亦一生無憾 ~ 不過自那以後，我對火花很敏感 ~ 怕再被燒傷 會 死人 ~ 自小就很容易愛上女孩子，但我不能確定我是否真的愛上一個人...因為我不時都同時愛上幾個女孩...但...那是愛嗎? 如果是愛的話，為甚麼我只喜歡妳們的好 ~ 討厭妳們的惡 ~ 如果是愛的話，為何我不敢多走出一步？ 如果是愛的話，為甚麼我可以和妳走得那麼近 都沒有說出半句情話？ 還是這些令人想起心悸動, 感慨的...就是愛 ? 我這個不會愛...只會做的白痴...要多久才可以找到個伴侶呢 ~ 前幾天 介紹了 鄧麗欣的 [你好嗎?] 給 Dry Dry 天使聽, 大家身同感受 ~~~ 不過 小天使 積極得多... 失敗了 再來一次 ...在下...太害怕失敗了...那只好守在樹下...看兔仔跳過來...

舊情人 有試過想起舊情人嗎？有時候見到一街情侶放閃光彈，身邊同事暢談自己的另一半時，心裏總是覺得不是味兒 ~ 一有時候, 自己靜靜坐低時便會想起...如何當時沒有...那麼現在可能...回過神來才發覺車門快關上，差點過站。 最可笑的是，每當我想起舊情人時，我的手便會令 iPod 自動播起 周潤發 唱的 舊情人: 舊情人是個 做到最好 徧錯失的結局~~~ 好來好去 我一向都覺得無論是甚麼人，都總會有山水有相逢的一天。朋友 或 同事 送別離，我都必定出席其 farewell lunch / dinner...除非約得太急。最近由於我錯誤估計了一些事情，導致我失禮了。 教育工作間!? 其實在工作間，我絶對尊重人 ~ 但至少，你要係一個I.T.人...在 I.T. 界 收錢工作, 真的不要期望有人得閒到坐在你身旁教，上學時有 Tutor 教你是因為你付了學費才有的服務；在工作間，請自學 / 先睇 doc 再問人, 否則在下未必會見到你 (我當你透明 我當你透明 我當你透明) 笑話 !? 今日在午飯時聽見同事說 買了一本笑話書，書中講到很多很諷刺的笑話 : 例如 : 1) 我不喜歡錢 但我需要錢 2) 我唔想供樓 但我要一個住的地方 3) 我不懂得愛 卻喜歡做 4) 我唔想番工 但我要番工賺錢維生 etc Oh! Damn it ~ 那不正正是我不時自言自語的內容嗎 !? Tension of opposite ~ 人格何價 之前聽見過 某人 講 : "唉 ~ 人工得嗰少少 就要我番工做咁多野 ~ 又要 OT 又要番紅日, 我真係睬佢都傻 ~ 求求其其做左佢咪算 law " 在經濟學角度，面對著 Cost, Schedule & Resource 時 考慮到工作量跟收入的不成正比，只有將貨就價，但...做出來的東西錯漏百出，做到班 Support 的同事想斬開你九十件 ~ 又或者令自己無面見客人...咁又何苦呢 ~~~ 我每次不夠時間想寫爛 code 時, 心裏總會唱起 [畫意] : 你　聽過梵高吧 值幾多百　他那人格　難剖白 求存人人明白 看　他有權亂去畫 也許口袋　也不致一片空白 一到 Crunch Time 就乜 Architecture 都唔理、不 Review 後輩的 Code 只會令自己在往後的日子死多兩錢重 ~ 睇住好多次樣衰事件發生

今日完成了 馬鞍山民康促進會 一年一度的 儷影笙歌今晚夜 2008 的表演。練習不足 加上 發台瘟，在下覺得係一次炒粉的表演!!! 始終...歹乇月巴亻子 的身形...跟美感仲有一段好長的距離... 跳 Paso Doble 時，我腦中想的是 在 YouTube 上 Slavik & Karina 的 Paso Doble 教學...當然跳出來必定是東施效顰... 算...我之前想過的減磅計劃 似乎未能如期實行...未如理想 ~ 我要更努力了...因為這兩次都是為了最後一次表演更順利 ~~~

燥 最近可能壓力大了，工作時間長了，心情都燥了 ~ 很少很少的事，都令我暴跳如雷...何為身邊總有些 做錯事後 扮無知的人 !? 我以為在下腦殘已經嚴重，誰不知 遇到 接觸到的人 更... 唉 ~ [Working with you is killing me] 一書 教識了在下...比自己更嚴重的腦殘無處不在，而且仲多過 Seven-Eleven，總有兩三個在左近 ~ 為了保住自己條命 同埋 唔令自己健康變差[經常發脾氣會短命 d e.g. 周瑜]，我都係要放鬆自己同埋好好運用 Business Tool 去令工作更順利 ~ 不過, 如果實際運用在中國社會中，那麼似乎欠缺了包容、諒度、氣量 這類東西...不過...燥到爆 而且 自私的我又點會理得咁多 ~ 最近見到不少朋友原來都有肩膊痛的問題，在下當然可以幫忙按摩一下，但這是治標不治本的...工作環境 (Montior 是否跟眼成水平)、坐姿 (寒背) 和 心理因素 (緊張、壓力) 都可能引致 肩膊酸痛 問題，各位朋友小心 ~ 笑 今日Miss 問我是否會因為她邀請了我前度黎睇HKDSA 於本週六的表演而諗得太多 瞓唔著 / 心情唔好，我笑左一笑。Miss ~ 妳實在太睇少我啦 ~ 雖然~ 我都有諗過下見到面要做乜野表情 講乜野又或者佢會唔會拖住個小朋友黎睇 Etc...但係...只係諗左星期日 一程車時間 ~ 唔駛諗到瞓唔著覺 ~ XDDD 昨晚阿媽話鄰居個仔 (大我兩三年) 做爸爸啦 ~ 問我有無拖拍 ~ 我笑笑口答 ~ 要你個仔拍好難 ga ~ 俾我腦殘得更嚴重的不褻一看，太肥 / 太矮 的不會有衝動去認識，就算有個 又聰明 又 高瘦的人出現 都仲佢要頂得住我忽泠忽熱 ... 有咁多好條件 又點會仲要我呢 ~ XDDD 其實我不時覺得自己不設實際 ~ 不過...如果要在下隨便找個人陪...在下實在辦不到 ~ 一個人去看戲 都很快樂 ~ 起碼不用等人 同埋 想去就去 ~ Yo ~ 多自由自在 ~

在 [與成功有約] 中提到，一件物件的本質 跟 它投射在某方面的影像 的分別 ： 地球 不是平面的，但地圖是平面的。地圖只反影了 地球被俯瞰的樣貌，真正的地球並不如此... 所以...工作時的我...不是全完的我...只是某一部份的我。在工作的過程中，上天給與了我很多的奇遇，令在下獲益良多，還不時令在下感到自己的不成熟、不守時、不肯承擔責任、等等... 但其實...在我的心深處，在下並不是一個上進的人，只是沒有打算要甚麼的人；但...在下的批判性格驅使在下...對 Coding Style、Naming Convention、Design Pattern、FindBugs 有著不能放棄的執著... 所以...在下不時 Pushy ...令到 閣下 實非出於加害之心 ~ 只係...偏執狂 發作...

上週日 HKDSA 於西貢 舉辦了 2008 年度的 標準、拉丁舞 及西方排排舞公開比賽。在下幸得 老師垂青，作為跟老師一起表演的 嘉賓。雖然老師 已經花了很多時間跟在下 練習，但 在下始終臨場脫腳...表演前緊張、表演腦袋空白、表演後胃痛 ... 很不爽... 表演過後，吃過小食，心情放鬆了、胃痛也消了...不過...全身都很累...可能跟近期 休息不足有關...今天早上連起床都有問題，心裏掙扎一輪，最後請假一天... 剛才跟朋友拿了 昨天表演時 他拍的短片...一見之下，覺得...表演嗰個死肥仔 好鬼肥...仲成日頭 dup dup...我都頂自己唔順...點解仲夠膽走出黎...表演!??!??!?? 唉 ~ 我本來好想打算本週會大吃大喝....但係...合上眼就見到自己在片內的肥樣...OMG!!!真俾比死更難受 ~~~ T_T Anyway ` 總算今年第一次表演成功...希望下一之更好 ~ 同埋我可以減到一百六十磅 ~ Yeah ~

手機由於不明的原因，暫時上不了 Google Service (包括 Google Reader、Gmail、Google Calendar、etc)。在下已致電郵給 電話服務提供者，客戶服務也很快手，於四小時內打了個電話給我，問了很多、很詳細的資料 (不過 我起初以為好多人同我一樣 有呢個問題先至 問佢地...點知...)。技術支援越問，我就越慚愧，因為身為一個 經常要 解決問題的 I.T. 人，卻沒有在這問題上用思考，沒有找出 根源問題... 早幾日在電腦上看過 這篇 和 這篇 文章，心中有種莫名的興奮 ~ 但在下在讀過 後面那篇文章後，老是想不通...那...若根據[鴿子洞定律] 和 人口普查 的結果，多的明明是女，而少的明明男性，那...還有甚麼原因可以導致 女仕 們不乏 追求者！？ 想了一會，我有以下推論 1) 追求者 不一定是 異性 2) 追求者 並沒有在同一時間出現 3) 女仕們 過份敏感，誤將 男人特如奇來想對異性好的需要 解讀為 "他在追求我 ~ " 4) 女仕們 在拋浪頭... 5) 男仕們...花心，同時追一個以上的女仕... 你...認為呢？

最近跟 MSN 上從事 I.T. 工作的朋友 閒聊 ~ 講到 理想 和 現實 的差距。很多人也說我想得很理想化，包括那些 喜歡終日玩 Excel 的 舊 Team Lead、三兄弟地產的 I.T. 師奶 PM 同埋...好幾位舊同事。其實我只是相信自己的經驗不足，看過了少少 Code Complete 2nd Ed ，心感如果仲行 Code & Fix 或 WaterFall 或者 更差的開發方法 --- (沒有文件只有口述) 只有死路一條，叫大家試下新方法 gel ~ 不過好多時候...受苦比改變困難 ~ 如果間公司一向都係咁，錯左係個制度問題；你要求改革的話，唔掂就你孭鑊 !! 我明 gal ~ 在呢個 Incentive 之下，唔改變我好明白 ~ 不過請你們為 你們下屬受的苦好好 付責 ~ 請正視 Comp Leave 和 Bonus ~ 在工作間，很多時間都遇到 老屎忽 (不學無術但年資高 並且 識人多的人) 、 魔王 (做事很慢的人) 和 罕有的精英 (有才能 和 有承擔的人)。在 多老屎忽 和 魔王 的架構下，在上的老屎忽 一般都會馬住精英，係咁俾 d 英雄感 同埋 屎佢地食 (一 擔沙糖 一擔屎 咁)，而魔王 就一般都因為 手腳慢而要做一 d 重複又重複的事 (又或者係一 d 做錯左 ...遲左都唔會死的事)。 當精英頂唔住個老屎忽 又 或者 個精英突然諗通左嗰陣，就會閃左人，而老屎忽就又再物色番另一個代替品。在某 些情況下，因為旗下沒有精英 就找了個 廖化魔王做 先鋒。久而久之，有很多精英傳下來的東西，因為 d 魔王沒有能力 又或係...Well...無時間 去 學 / 理解而導致失傳 (朋友講的是一個可以 由 Get Latest Source > Compile > Build > Pack > Distribute to several servers > Deploy 的 ANT Script)。所以話，一個成功的I.T. 企業唔係靠佢有幾個多人材，而係點樣吸引更多的人才！！人唔係 Fixed Asset；人有腳，會走的 ~ 所以除了能不能多找生意，老闆們還要想 能不能 留不住人才 ~ 找到生意回來 沒有人腳 或者 有人腳沒生意 也是死路 ~ 做老闆真係好煩 ~ 所以我一向都立志做一個好的 開發人員 算

項目終於上了 Production 了，旦願可以平平安安地服務各地 買家賣家 和 本地中小企，可以按一按 這裏 看一看 今日做了一天 Rollout Support，在那個沒有泠氣 、沒有食物...連巴士都要下午五點先有的地方工作了八小時，真係好累... 雖然成個 Project 用了 J2EE 1.4, 但心中還是覺得 不把 Head First EJB (講的是 J2EE 1.3...) 看完就總是有點不安 ~ 所以跟 機神 同事打賭 大家都要在七月完之前把 Head First EJB 看完，未看完的要請另一方食飯 ~ (我當然無諗過做唔到 ~ Hor hor ~)。以 screen shot 為証 ~!!

這是最壞最壞的改變，人總有錯，仲要咁趕... 改左比唔改更差... 只可惜...壞事通常由好心開始... 呢種似曾相識的感覺，很令我討厭 !!!

前晚收到 Miss 一個電話，說上年幫手做 HKDSA Event 的 女師儀 因病入院。今朝再向Miss 打探消息時，她...已經與世長辭了...生命真的脆弱... 早上起來洗澡時，見到我把水用於洗潔身體，而某些落後國家 / 地區的小朋友則因為沒有 朝淨的食水而渴死 或 因飲了不潔的水 而受痛魔折磨... 當我想著是否於星期二 花四十五蚊去買張 電視戲票時，四十五蚊...可能係某些家庭一季的收入... 前幾天下雨，我在想，如果沒有了燃料，沒有了汽車，我們又怎麼回家 ~? 騎單車 !? 打傘走回去!? 可以想像到的都只是狼孭 和 超狼孭 的情境... 活在城巿的我...感到...如果不能好好貢獻自己，那我所消耗的資源 都只是浪費 ~

當年睇成句動畫廊時，見得以上呢個成語講到 : 有個馬場有兩父子。有一日有隻馬走失左，個仔好唔開心 ~ 個阿爸就反問個仔 你又知呢件唔係好事 ？ 過左一段時間後，隻馬仔帶左另一班馬朋友番黎，個仔即時開心都爆 ~ 個阿爸又反問個仔 你又呢件唔係災禍？ 個仔因為喜歡騎馬，但係野馬難馴，所以佢跌斷左腳。人人都為此而唔開心，但係個阿爸又講 你地又知呢件唔係好事？ 後來因為國家打杖，要大量徵兵，但呢場杖唔好打，十個去的九個番唔到黎，就係因為阿仔斷左腳不良於行所以唔駛入伍，免於一難 ~ 成語其實想講 福禍相連。 早前去左公司攪的 Argentine Tango 班 (係...我好耐都無上 Miss 的 social dance 班...但走左去上另一 d 舞班)，得知導師們昨日於中環攪了一個 Event ，邊教舞邊推廣。我一心以為之前參加過的同事們都會去，心諗...廿幾個人唔係得我一個會去呀嘛！？點知...中左...真係得我單挑 ~ 我除左導師之外，一個人都唔識...以我平時的性格...多數會坐在些暗暗的地方看人家跳舞...坐到 Pat Pat 痛就走人 ~~~ 但係...我心諗...俾左錢入黎...就無奶油唔跳舞 ga ma (小家 ~~ 呵呵 ~~)...心中掙扎時，導師就帶左我去佢另一班學生群內，真係多得佢，我先至識得幾個朋友 ~ 在短短的三個小時內，雖然無乜學到新的步 (steps)，不過我...講左好多英文 (羞) ...同埋...我覺得好好玩 ~ Argentine Tango 俾我的印象係 隨意 同埋 即興 ~ 加上我只係識 Walk + Ocho ，所以反而覺得無乜壓力 ~ 隨意地帶著女步 step 幾下，帶到就得，好好玩 ~ XD 其實...比賽同埋表演呢兩種練舞的原因，有時都令在下有點壓力...有點想逃避...始終...當興趣變成責任時，就不再好玩...但係...唔比賽 / 表演，又欠缺了一個去進步的推動力 ~ 如果在鏡內都覺得個 figure 唔好睇...唔駛問人都知有問題 la ~ XD 人生就係咁多 Tension of Opposite ~ Btw, 昨晚跟一位新朋友跳了很多首歌，我...感到她都有想跳好呢隻舞的 desire ~ 哈哈 ~唔知佢有無 partner 呢 ~ XD [Again ~ 我又係嗰 d 唔敢問人攞 contact 的白痴..

究竟，你想點 ~? 唔知閣下多唔多問自己呢個問題。由於在下於本星期比較得閒 (其實係同前幾天 天氣一樣，暴風雨前夕...本週末 個application 上 production)，所以多左時間思考 (又或者應該叫係 Brian Storm)。 在下之前懶勁咁話要 Keep 住 Single 一段時間，因為覺得如果我用另一個異性代替左前度，咁對下一任都好唔公平。自知係一個會比較的人，前度除了分手前那個星期唔係咁好之外，大部份時間都好好，我怕我忍唔住比較會傷到人...我真係好怕好怕見到女性喊...尤其俾因為對我失望而喊... 到左家陣，我覺得...我好似唔再識點追女仔...救命呀 ~~~ 我已經唔係好記得以前係點追求 歷任女友啦 (其實唔係好多個 jar)...定係我當時熱情得滯做左好多家陣唔會做的事...所以潛意識顧意將記憶刪除！？XDD 不過今日食飯時聽到同事之間的對話，講到一位同事之前的感情生活...(其實係講佢以前點俾一個靚女追...我地呢 d 土生土長的 香港仔...真係好難想像到會有女仔追男仔...仲要...係有錢女仔追佢...佢都唔要...全因佢唔係教徒...嘩!!!)...呢位哥仔話家陣等緊兔仔出現 (守株待兔)。聽到這裏我心想 "OMG ! 我點會同佢用埋同一個 strategy ga !!!"。如果呢個 strategy 係咁一般的話，咁我跑出的機會就更細啦...起碼我無俾異性追過...佢有...OTL 另外，在下星期一聽收音機時 聽到有個 話自己想有個女朋友 但係又唔識得 sell 自己的 男人打上電台，兩位主持人都好好聲氣咁叫佢介紹下自己...條友真係唔生性，仲要話自己就係得咁多 : 樣貌一般 過左三十 有一份朝九晚六的工作 ~~~ 真係聽到我心火盛 ~ 大佬 ~ 家陣你要人地去認識你都要有個賣點先得 ga ~? 唔通真係因為你夠一般所以人地會花時間在你身上 mor? 賣點即係獨特之處 ~ 雖然，你的知識 / 技能 / 能力 未必係做到獨當一面，但係個 combination 係你先至獨有 gal (e.g. Mr. X 工作係 I.T. [Programming], 學過跳舞、打功夫，會聽一下音樂 [古典, Enigma, CantoPop, etc.]，喜歡戶外活動 [行山 游水 踩單車], etc... 有左以上的

今日，一早出門 推拿、練舞，到了中午時，見到太陽非常猛烈，心中突然有一個必定要滿足的需要 ~~~ 就係去泳池游水啦 ~~~ 我一早 Send 左個 SMS 俾人....但似乎那人不在香港...去了異地風流快活 ~~~ 為了不至於一個去游水，所以打開 Phone book 係咁找...不分男女 都叫...點知...下午三點先找到一個人得閒又肯同我一齊去游水~~~ 皮蛋 ~ 你是最好的 ~ 你知識嗎 ！？ XDDDD 其實...拍拖...都有好處...想做運動時，可以有一個 Backup...provided that 佢 join 個活動得黎唔會話怕晒黑 / 怕水 / 怕有蚊 / 怕俾咸濕伯伯睇 / 怕地方唔乾淨, etc... 其實好多時我都想一早約好去活動...但似乎我成日都係今日唔知明日事...Never Look further than this week or next week...唉 ~ 我的生活...何時可以回歸 !?

幾日前跟一位舊同事傾偈，點知發覺大家都有以下 兩個共通點 : 1) 沒有女朋友 2) 跟異性溝通時 若對方有某情度的改變 或 對方有意想不到的行為時，心情會十分興奮，還會不停跟身邊的人說 (According to [Working with you is killing me], it is a emotional trap XD) 簡單少少黎講，我地都係 Dry 到爆 ~ 久旱逢甘露...的衰樣 ~~~ 唉 ~ 互勉之啦 ~

今年真係破財年，家陣窮到褲穿窿...全因...California Fitness 的Sales 懂得如何利用我想減肥的心... 仲有上年的裝修費未還...又有新電視 / 雪櫃 / 焗爐...我個頭好痛呀.... 再次見到妳...原來小師妹已經考了 SCEA...似乎我呢個老屎忽真係...做乜都慢人一拍...唔夠上進!!! 我要努力向上 !!!!

最近，工作地點由 灣仔 改為 將軍澳。 朋友都問我為何被 發配邊疆...那麼...住天水圍的人不就是每天都南征！？ 記得在珠海工作時，國內同事都是離別井的到另一個省上班，住在辦工室附近不太貴的地方。要我到將軍澳工作...算甚麼！？ 往將軍澳去，目的是甚麼、主要工作範圍是甚麼、等等的問題 我都未問...只知到 會跟 LEGACY 東西接觸。 Legacy 此一字一旦加了上去一些 Software 上，就意味著 它即將會被人刪除 ~ AS400、Gupta 的 SQL Window、等等 都是因為太老了，找人支援很貴，所以才要找另一堆人去明白它、解構它，然後寫個新的出來取代它。一旦要改，就要改得撤底 ~ 如果受著歷史問題纏繞 但又不去解決它，那最後的產品只會有 負數 Value Add... 在下還想在 Design & Analysis 方面增加多點經驗...只是...在那邊，我還可以做 Design & Analysis 嗎？我想走的路...還在 Technical 那邊 ~ 但願，我能如我所願 ~

結婚 ~ 這件不斷在我的同輩中發生的事，你卻說 你也快了 ~ 我聽到...人也傻了 ~ 在下第一次學過結婚這回事，應該是細姨的那一次。不過那時只知道，我曾經愛上過 (年少無知 ma) 的細姨 之後便會跟 細姨丈 一起生活、生小孩子，我...無行了。 到了人再大一點，在中史書見到 結婚 可以是為了家業、可以是為了金錢 / 地位，婚姻不是兩個人的事，而是兩家人的事。這個意念，一聽便是那麼多年。這些年來，都有跟過 故人們說過結婚這回事，但都只限於 Lips Service。結婚要儲錢、找地方擺酒、選菜式、訂 或 租 婚紗 / 禮服、安排婚宴流程、找朋友 / 同事 幫手、邀請各方好友蒞臨，每一個步驟都很重要，既不可以得失 來幫手的 又不能失禮於 親朋戚友。所有所有的事都很麻煩 ~~ 不過 ~ 一生人一次 而且抱得好老婆歸的話 亦在所不辭 ~ 不過，沒有深入的了解又如何知道 他 / 她 是否一個好伴侶！？ 表面純良、督信宗教的 可以是感情複雜、陷入 Polygon Love Affair 的 ~ 貎似忠忠直直、擔屎唔偷食的...可以同時跟 N 個異性拍拖... where N belongs to Integer. 外表醒目、給人一種不羈感的，可能是很想有個家 / 有個固定伴侶的 ~ 沒有足夠的時間，哪個是給外人看見的 image、哪個是真的他 / 她，是很難分清楚的 ~ 我也希望天可以給我一對看到人真面目的雙眼 ~ 無奈 世上沒有人會是 100% 的好人 或 100% 的壞人 ~ 哪時好、哪時壞、哪時真、哪時假 ~ 都只可以靠自己經驗 人人都會有失去信心的時候 : 漂亮動人的，亦會怕有日人老珠黃無人要；有才幹的人 亦會怕被後浪推倒 ~ 但...不要因為一時的恐懼而妄下決定 ~ 結婚是人生大事 ~ 除非... 如果.愛 每個人　都想明白 誰是自己生命　不該錯過的真愛 特別在午夜醒來　更是會感慨 心痛埋怨還有不能釋懷 都是因為你觸碰了愛 如果這就是愛 　在轉身就該勇敢留下來 　就算受傷　就算流淚 　都是生命裡溫柔灌溉 　愛　在回憶裡總是那麼明白 　困惑的心流過的淚 　還有數不盡黑夜等待 　如果這就是愛 如果你　當時明白 後來的生命裡　是快樂還是悲哀 特別在夜深人靜時　想起未來 是否能平靜不會想現在 只是因為你擁有了愛

前幾日，收到一個電話，一位熟悉的陌生人。在短短的分幾鐘內，我知道我們又有一位中同結婚了...而那是妳們四姊妹中 尾二一個結婚 (即是...妳將會是四姊妹中最後一個)。妳問我會不會出席，我說結婚是開心事，必定會到。 在我的人生中，有很多的第一次都是跟妳發生 (不要想得太多) : 第一次聽 [路邊野花不要採]、第一次想結婚、第一次儲錢 (對! 我就是這樣不收邊幅)、第一次在吵架後食到妳親手煮的午餐盒、第一次在情人節吵架但妳卻走過來送我一盒巧克力、還有很多很多的第一次 ... 只可惜 當時年紀少 不懂得珍惜所擁有的 ~ 現在, 妳可能已經忘記了妳曾經付出過的 ~ 不過我還記住 ~ 放心 ~ 我喜歡的是別人對我好的回憶 ~ 沒有其他意思 ~ 同齡的 親戚 和 同學 紛紛成家立室，有些還生兒育女，而我卻只站在起點。深知自己的本錢不足 (Both Time & Money)，但卻又期望一個超班女朋友，unrealistic! 除了 守株待兔 外，我尚未想到我應該要點 ~ 安格斯 說過 沒有期望才會有驚起 ~ 老是想著 它不會出現 ~ iPod 中播出 發哥的 [舊情人] 天 ~ 又要考驗我嗎 ?

正常一個人，如果沒有好好的控制自己的慾度，不顧自己的資源 (體力、時間、金錢 等) 而盲目地增加自己的 需求，最後會落得如何下場！？ 那...如果係一個 項目呢？如果沒有人好好控制 用戶的 慾望 和 需求，那...一個只有固定資源的項目會落得如何下場呢 ? (1) Over-Time (2) Over-Budget (3) Application contains many Bugs (4) Human resource morale low (may leave also) (5) All of above 所以說 ~ BA, PM 唔易做 ~~~

今日不是想打歌詞，不過最近又到了 Project 的人仕流動高峰期。 每個人都有自己的理想 同埋打算，所以人仕變遷在所難免。有些人想要多一點時間去思考人生、有些人需要更多的時間去陪伴家人、有些人則想改變一下環境... 在下！？在下其實心中是很矛盾的。一方面想做多幾個 Project，增進知識和見識 (無論在 技術上 或 人際上)；另一方面 又唔想自己所有時間都俾左個 Project ... (Man 神說的 商業義工)。始終，我真係好想有個人得閒同我傾下心事、講下我工作遇到的快樂 和 失落、一齊去做運動...雖然以上所有野都可以找 Friend 做...但係...似乎一個 Girl Friend 會好 d ~ XDDD 不過 Given 呢個 Project 的 Workload，我覺得無乜可能抽到足夠的時間去跟異性深入認識。以往拍拖都係睇定定，加上身邊同學朋友順水推舟，再加上 觸發事件 便開始了 ~ 所以...如果要在下主動出擊去追的話，我睇怕都要好多 Trail & Error 先得 ~~~ (damn it ~ 又差開左話題...) 之前在 老電 都 Hea 左幾個月 轉埋 Team 先過黎 (我並非想玩野，只係我覺得留低 可以學到的不夠這裏多, 所以才會...), 主辛苦左一段時間，有時都會腦內閃一閃 換下環境 的主意。不過想起當日 跟 Man神 interview 時，實在令我覺得 "我找到了明了" ~ 到今日我還相信 我理想中的I.T. 國度是有可能的 ~ It's possible! ======= 最近很沉迷的聽 陳慧琳 的 [伶仃] 和 Evita Sound Track 內的歌 似乎....我快按奈不住了 ~~~

早前 (五月中) 到過布吉 / 曼谷 玩了六日，去 ~ 當然係為左消假 同埋 放鬆下個人 ~ 唔知係咪因為安排活動過多 定係 是次行程同我理想中的假期有點出入，所以去完旅行，我都仲係覺得...未夠 ~ 不過一望到我 ever-decreasing 的儲蓄，我心不禁一寒，心想如果我無工做...真係一個月我就見底 ga la...出黎做野咁多年...少少錢都唔係好儲到...唉 OTL 年幼時，老師話人人都有不同的理想，但我好似由小就無乜理想...又或者...乜都唔駛想...就我理想 ~~~ 如果要講到計劃...最早一次應該係當年 家慈送我們兩兄妹 到英國文化協會上 summer course 時，我第一次聽見 外藉老師教我們 做五年 / 十年 / 三十年 的計劃 (我睇怕當年我都只係聽得明少少)，我想了大半堂都想不出我究竟想做甚麼的工作, 最後那份計劃當然是草草了事便算了 ~~ 時至今日，我亦無乜為自己的人生計劃過(想做乜公司、想過乜野生活、買車買樓更加沒有在 ToDo List 內加上過)，但求有三餐一宿，唔駛為明日擔心，亦唔好令屋企人擔心就算 ~ 不過似乎咁 gal 想法 唔會得到 異性的認同 (我明白...自我要求過低 ~~~ 好似好唔上進咁 ~~~)。但係...要改變始終都係要自身開始...我又...太懶了... 如果不知道問題在哪兒，那是無知所致 ~ 無知不是罪 ~ 但明知繼續苟且、任由自己沉下去只會變得更墮落，那又何苦作賤自己。 谷底反彈唔係人人做到...有些人...本想反彈...點知...咁又一世 lu ~~ ========== 其實在下有時都覺得自己的 Blog 無主旨而且 似 BrainStorm ...只係隨意地我手寫我心 (定係應該話我手打我心呢XDD), 來看的朋友...辛苦你們了 ~

昨天，佷特別 ~ 特別在於 : 1) 肚痛了四天，朝早終於忍不住要睇醫生 2) 即使仲有少少肚痛，我依然番工 3) 終於記得帶手信番公司 請 同事食 4) 晚上到了沙田 跟 同事們打羽毛球 5) 打完波後，我任由最後一輛 85 號由我面前駛過，然後，我邊用手機看 Google Reader 邊等。等了三十分鐘才走去望一望個時間表 .... 最後一班車 已在 十一時 十分開出... 我印象中，我是第三次等這班不會開出的車。 人生旅途中，你又有幾多次發現自己在等一班不會再開出的車呢？得悉了後，你又如何處理？我們又有多少時間，可以讓自己活在 希望、期盼之中！？ 我係咪都係時間醒一醒？ 香港的 I.T. ...OK ~ 其實我無打算，亦不可能 改變現有的風氣 和 大眾對 I.T. 的認知。似乎出來工作這幾年，客戶都不太尊重我們這個行業。程式無誤係天經地義；一旦有錯就理應處斬 或者 凌遲處死，將你罵得狗屁不如。 當然，世界上總有些客人係客客氣氣，不過...真係少...如果有，通常佢都係編程出身的... 由我第一次接觸 I.T. 時 (在那個綠色螢幕 裏打 存在 1.2 吋磁碟的 遊戲 )，我已經覺得 I.T. 很神奇，人們竟然可以將這個小盒子內 製作出一個虛擬環境，讓小孩子樂此不疲。後來，由於大學時有機會學編程，一學便將自己本來是徧向 電子工程 的課程 轉向 軟件工程 (但遺憾 成績不好，轉不過去...)。出來工作後，還學會了如何用 PHP + MySQL 幫中小企做 Content Management System。之後還學了一大堆有關 Java 的東西，但...又如何，每次鄰居 / 親戚 問起我幹甚麼，我都要解釋一徧 我幹的是甚麼，還要婉轉地告訢他們 我不是電腦 / 電器 維修員，以免他們他朝一日見部 微波爐 壞左叫我去幫手整。這些都不打緊，因為我可以原諒他人的無知。 其實我工作但求做得開心快樂 (當然人工不要低過 巿價太多)。當我繼續往上爬時，我的知識和要求已經不再是 "Work 就算" 的 Level。有時候，有些人會覺得我很完美主義，但係我深信 Guru 所講 的 Object Oriented、Reuse、Design Pattern、Automation、Methodology 都係經過歲月過濾後得出的智慧成果、金石良言。 但係...點解

剛由泰國曼谷回港，本應 upload 剛在境點方拍下的照片，不過...在回港的飛機途中，在下看到 "Working with you is killing me" 內有一個叫 "Manage Up" 的 chapter，令我反問自己一個問題 ... "在面對逆境時，人應該多走一步，不要等別人去改變，要變應該先由自己開始" 這個意念，在下確實不記得中小學課本教過 (亦可能是在下失憶)；還是這個生命的真蹄(!?) 要成年以後自己悟出來呢？ 每次我見到人們在談論政事 / 時事 時，往往都滔滔不絶，一副"如果俾我做，我就一定唔會xxx" 的樣子。而我每次聽見後，在下都只會心諗 「係...你可能唔係犯佢的錯，不過會犯 d 更低級的錯...係咁勁你又做乜只係坐响度 9 up, 而唔去做些少事去改變呢個事實呢 ~~~」。不過當我有呢個諗法的時候，我就會開始愧疚自己甚麼都沒有做過...甚至連新聞都沒有看...唉... 記得在 "Seven Habits of Highly Effective People" 內提過，一個人做一件事要付合以下三個條件 : 1) Knowledge (What to, Why to) 2) Skills (how to) 3) Desire (want to) 在下不時都在幻想，對某些情況自己可能有 (1) & (2) 但卻沒有 (3)...還不時期望 上位者 會打點一切，心中老是抱住 "不在其位 不謀其政"的想法，所以往往面對逆境 都把自己放到一個受害人的位置，將所有責任都推往上位者身上。 不過，其實上位者自受命以來，又哪裏有接受過 (1) 和 (2) 的訓練；又或者，他們根本就要一人分演兩個角色 - 上位者 和 有經驗的 I.T. 人，俾你做都會選做左 N 年的角色去做，起碼錯少 d ~~~ 所以上位者 係除左做得耐、人工高 同埋 權力大之外，應該同我無乜分別，都有 Flaw ，Less Than Perfect。不過，咁我條氣又唔 gur bor ~ 咁點解同工不同酬先 XDDDD 其實講到最尾...都係...貪 & 懶 & 固執 & 妒忌...很多人性的弱點 ... 點解 今年 畢業生會有 萬七

為了慶祝家庭成立日 廿九週年，咱們一家人到了附近的 酒家 進餐 (由於要遷就在下經常遲放工...所以沒有在正日食...當日還被同事問 "點解咁早走？"...我心諗...如果遲走就等於有做野...咁我想在辦公室住 lu ~ damn it ~ 又越講越遠...) 由於落單系統有點問題，所以咱們的餸上得特別慢。有位好心的待應見我們桌上的魚已經餘下魚骨，便走近作勢揣走它，並問我們是否介意上果盤。由於我們還有還有一味菜未上，所以反問她...對答如下 : 待應 : 「條魚食晒未呀？我幫你地攞走佢 上 果盤好嘛？」 話畢，待應作勢拿走它。 家妹 跟我 齊道 : 「但係仲有隻鷄未黎 bor ~ 」 待應 頃刻硬直，在想不出如何回應的情況下，說了：「咁...就由得碟魚响度先啦 ~~~」 家妹 跟我 互望了一下，我邊笑邊問...碟魚 同 隻鷄 係咪有乜野關係...點解鷄未到...魚唔可以先拿走... 一家四口一起笑了 ~ -------------------------------------------------------------------------------- 昨日 (母親不在香港的 母親節) 跟家妹 到 M 記食下午茶 (或者係 晚飯)，家妹問我 當年 失戀感覺如何？我話 俾人飛，自尊受到傷害，當然痛恨該人，但同時亦恨自己。後來慢慢覺得人家現在甚樣，在我來說已經不再重要，因為人家已經有個更好的人照顧著 (當時她是這樣說的，我除了信之外，還可以幹嘛！？我可不會閒到去跟縱，我很忙的說 ~~~ [懶巴閉])，自己做好了自己的份內事，好好照顧自己的健康。講完以後，我反問家妹 係咪有乜野事。 家妹邊食鷄塊邊回答：「無呀 ~ xxx (她朋友) 話死左隻寵物同失戀感覺差唔多 ~~~」 我突然覺得...她這位朋友跟她的名稱很不配合...便問：「其實...妳位朋友可以改一改名嘛？」 突然，我見家妹未合上的嘴噴出有如散彈的鷄塊碎，飛到我的面上... 雖然，係有點不衛生，但這個場面很好笑 ~ 不得不承認，我們倆兄妹都十分攪笑。家妹不時看 羅志祥 (小豬) 的節目, 亦跟我說那些笑點。 家妹，我們一家四口...一個都不能少呢 ~~~

還有一天...我就會身處 布吉的 陽光 與 海灘 之中。 一個久違了的假期，希望我的情緒 / 慾望 / 負能量 不會在這之前爆發 ~ 挨得久了，真的很想去行開一下 ~ 在 "Working with you is killing me" 一書內(暫時看到第三章)，我覺得我自己有少許 Rebel 和 Martyr... 其他的...都因為在下的不要臉 和 不負責任 而沒有跟它們拉上關係 ~~~ Hero : The need to be idolized compels this individual to produce more and perform better than everyone else. Caretaker : Feels responsible for and tries to solve everyone else's personal problems. Rebel : Bends the rules and goes against the grain...even when it jeopardizes his / her career. Martyr : Wants recognition and praise for sacrifice and suffering on behalf of the company. Entertainer : Users jokes and humor to break the tension and keep the others happy. Peacemaker : Does whatever it takes to keep the peace. The Invisible One : Stay out of trouble by staying out of the spotlight. 你 / 妳 又會是哪一種 ?

前日OT 時，見到 士多啤梨冰 上線，她說她回科大找資料找得很無奈，想幫手但又不知如何入手，有點老鼠拉龜的感受。這種感覺，在下亦不時會感覺得到，點解！？ 因為我都係廢柴 law ~ 歡迎加入 廢柴同盟 ~

工作久了，見人見多了，總少不免會對某些有某種 行為模式的人有著不同的喜惡。喜歡的當然是那些勇於承擔、努力向上、不計較辛苦而且謙虛的人。而討厭的當然是那些自持有 X 年經驗、食鹽多過在下食米 而且了解某部門運作，可以如數家珍般地講出某某當年如何如何、做過甚麼甚麼，工作吹水多於實幹、打太極多過接 Job 的老屎忽。 很可惜地，在下覺得自己不知不覺間都犯上了老屎忽的毛病... OTL 有時候自己會覺得，香港的 I.T. 真係無乜得做 ~ 不少 I.T. 人仕 人工高，但卻經驗不足，仲要怕辛苦。有幾多公司有好的Project Manager、Architect、 System Analyst、Analyst Programmer、Programmer、 Tester、Business Analyst、Test Manager、etc. 得！在下明白世界唔有咁完美，係咁完美就唔會有我 ~~~ 但係...可唔可以做人有少少覺悟！？雖然在下非常多 Flaw，但我都想做出來的東西不那麼爛，溝通不用那麼重複... Well ~ 各個 Project 都有各個 Project 的難處，各人亦有各人的苦況。但係，如果我真係個個都咁同情，我的火又往哪裏噴呢 ~ 反過來想，點解我會有火呢？ 對某人有火...係因為我覺得某人沒有恰盡其份地完成手上的工作，例如 : (1) 在沒有測試的情況下 Check in Code，引致別的 Module 掛了 ~ (2) 在 Break 了 Dependency 的情況下 Check in 而不通知相關同事 (亦沒有自己改)，令到整個 project 不能 deploy 以在下的記憶所及，當年在 珠海工作，犯上以上錯的都是珠海新來的同事，因為不明白 或 不知道 令到 Repository Compile 不了是如何影響全 Team 幾十人的進度 而犯下 彌天大罪。慢慢地，在下的心目中有了一份香港 I.T. 的覺悟 --- 作為一個 香港 I.T. 人，薪金高珠海新 I.T. 人 四至五倍，如果還是犯著他們的低級錯誤，我還有何顏面對江東父老！？我還哪有資格去收那個薪金！？如果你覺得因為你活在香港便應該領香港的人工...那...Good Luck！我想我以後也未必能夠見到你了 (因為我會當你透明)。我不知我這種心情叫甚麼，算是恨鐵不成鋼 還是甚麼！？ 其實，

最近在 Moov 上聽過了 我的最愛 - 容祖兒 的那首 貪嗔痴。在下覺得很好聽，而且歌詞寫得很好，正正講述一位朋友的現況。 勉強留下又如何？留得住個人都留唔住個心，預期花盡心機、絞盡腦汁去留住一個心已不在、對自己只有內疚的人，何不放低此人，讓他走得安心，自己亦鬆一口氣！？ 在下相信人是犯賤的，道理是要自己賞過痛苦 / 失敗 才能真正體會得到。如果有小朋友，我想我眼見小朋友快要 PK，就由他 PK 吧 ~ 如果下次都沒有學精，那...就是他太蠢了...不會思考...很難教也 ~ 再講亦未必會聽 ...無為而治 ~ 真係開心 ~ (別問我是否捨得...我暫時愛過的只有自己...) ~ O ~ 說到哪裏了 ！？ 情人分手以後，她 / 他做甚麼 或 跟誰好，在下奉勸閣下最好不要會理。畢竟 分手就是單方面提出都會成立的！試想想，你在為她 / 他 喊苦喊忽、飲酒飲到吐到不醒人事時，她 / 他卻跟新歡 短兵相接...或者 跟舊朋友介紹這位新朋友, 樂也容容的樣子 ~ 想起也覺得那段時間自己很白痴 ~ Anyway ~ 不是白痴過、自尊受過傷，在下又怎會明白這個遊戲的規則。 在下始終覺得 感情處理得不好、拖泥帶水的多會自招麻煩，把自己陷進泥沼、萬劫不復。還記得當年 中七暑假 認識那位可愛的 Cherrie 小姐，當她開始想發光發熱時，竟然因為選錯了地方跟當時男友講分手 (在男友家)而被人殺害，還被人於死後灌入安眠藥，假扮 OD 自殺 ... 唉 ~ 感情事 處理不好，分分鐘引來殺身之禍，所以當年被人拉到茶餐廳講分手，都係合情合理的。 P.S. 不是今日去找一找大富翁的規則，我還以為自己會玩 大富翁 ...原來上個星期六玩的時間，在下犯了三個 此文 提及的錯 [>.<]TL

細細走了以後， 1) 回家 / 有客到，再沒有狗吠了。 2) 餘下的飯，再沒有狗兒食了。 3) 沒有狗兒走過來要我按摩了 (雖然有時貓兒會主動走過來 ... 不過真的很少有) 4) 家慈不用辛苦由公司帶報紙回來給細細了 作為一個Professional，在下認為工作不應受私人感情影響。所以在 Office 依舊談笑風生，夜深人靜回想起，其實一齊都過得很快。火化了的細細已於上週四由家妹領回家。眼見家妹每晚都忍不住叫細細、大讚細細是如何的乖 / 好，在下又點可以同佢癲埋一份呢 ~~~ 家妹感性了，我便要做理性的那一個 (其實我一來不願意在人前垂淚，二來亦不想任由負能量團在一起~~)。 不習慣的位還有很多，只有時間可以幫到忙 ~

收到電話後，還要記住將所有 應該 check in 的東西 check in 好才離開。腳步很急很快，很怕仵作早過我到場帶走細細。從會展跑到最近的過海的士站，飛的去細細所在的診所。 到了診所，父母打了個眼色，指引我入內。我見到 細細就如平時 要人寵人時 躺在手術枱上，眼睛是打開的、沒有心跳、沒有呼吸、還有少許的餘溫，可能是家妹的手傳過去的。牠很靜很靜的躺著，翻開牠的耳朵，這裏很白；打開牠的口，牙肉也很白。牠...真的離開了... 我輕輕的撫著牠，給牠按摩，心裏叫著 安息吧 ~ 我不敢開口說出來，因為我感到...我的悲傷一定會一發不可收拾。 對不起，細細，哥哥在家以外的地方是沒那麼大情大性，沒有太激動地為您而哭，但我還是很悲傷的。今年以來哥哥一直都跟您 Detach，為的是不想自己太過傷心，不過...原來...今日覺得...之前的所作所為都是錯的，哥哥今天覺得之前疼得您不夠。哥哥明知時間不會回頭，不能重頭黎過，但還是想說 ... 如果可以的話，哥哥會多點給您按摩、跟您去多一點地方 (不用您行)。哥哥在您走時，身還在辦公室，最後見到的只是您的軀殼...我的心...真的很痛...對不起... 我以後不會了 ~ 家妹很勇敢，堅持要親自送您到 善終服務公司樓下。家妹抱起您的那一刻，您那個沒有生命的軀殼軟軟的...我連看都不敢看...只怕一看就情緒崩潰。家妹真的很愛您，如果有來世的話，希望我們可以和您做朋友，您應該跟我很似的 XDD。 明日還要上班，很多未完的事等著在下做。 請恕在下只能送您送到這裏 ~

晚飯過後，家妹回家見到細細很興奮地擺尾，擺得很興奮，興奮到...休克...然後...死了 這樣的告別...總好過淹淹一息地慢慢停止呼吸, 很合乎細細自尊心強的性格... 安息吧 ~ 細細

小弟在不久之前，認真的想過改變一下自己的型。想了很久，始終都覺得 廿幾歲 (都就快三張野...) 有個肚腩唔係咁襯，而且無論 d 衫幾靚幾型，著响個有肚腩同埋大 Pat Pat 的男人身上，都係怪怪的...所以一次偶然的機會上，我被成功游說 入了 美國加州 會，仲買左十二堂健身教練堂。 呢間野真係好識做生意，推銷一浪接一浪。本來我只係諗住一個月幾百蚊玩下無所謂，點知佢話有教練教會好 d ~ 我初頭諗住：「係 gal ~ d 機械我又唔係好識玩，睇書都睇唔到應該點做，有個人教會好 d gal ~ 」，但係...上左一堂之後佢又黎話 為左可以做個 健身 Program, 要買多少少 ~ 我心諗 ~ 做到八月好啦 ~ 最後買多十二堂... 昨日，我約左教練做健身...佢又黎...叫我買多廿四班...大佬 ~ 你真係當我有無限金錢咁 bor ~ 頂 ~ 不過，無可否認，在下的體能在這幾年不斷下降 (以前都唔見得好...但係十年前 可以一口氣跑運動場一個圈 到 家陣...行快少少 / 上樓梯都有少少喘氣...實在係... 太差了 ...)。所以係有增加運動量的必要，去健身會係方便，不過... d 教練真係好煩人..

上個清明節正日 一行十人 到大圍騎單車。除了見到沿途的鳥語花香 和 怡人景色外，在下還目睹幾件事件 : 好人好事 在下是次走城門河 第一城那邊的路線，在途中見到有個小妹妹在 單車徑 與 馬路交匯點 邊流淚邊喊"媽咪呀 ~~~"，但眼見十幾米外有個婦人(擬似小妹妹的母親) 和 一名男孩 (擬似小妹妹的兄長) 在跟那位小妹妹說：「過黎啦 ~ 阿妹 ~」。個人認為，那位小妹妹應該也有八歲吧！如果連馬路也不會過，那...未...免...有點過份...正當我想繼續前進時，後面那位好人機神 (舊同事) 就跟妹妹說：「妹妹 ~~ 做乜野呀 ? 妳响呢邊咪過到囉 ~~~」他邊說邊跟慢慢走向妹妹那邊，但那位小妹妹除左喊，就只係企左响度，毫無嘗試的意向... 未幾，在回程時，好人收到妹妹仔 (今年會考的...) 電話，話自己錯手 Delete 左 d 相，喊晒咁找好人求救。我心諗，會考在即，仲咁得閒攪 d Memory Card 入面的相，佢一定係一個天才。好人為了不負 妹妹仔所託，立刻叫大家繼續行程，不要怠慢... 詳見此 怪叔叔站在草叢 回程時，在下又再一次經過城門河 近 富豪花園時，見到有個中年男人含著一支未點的煙，望向單車徑，而雙手則垂低。由於覺得此人姿勢古怪，故在下減速往後望...如果無睇錯 + 猜錯，那位怪叔叔應該雙手在弄那話兒>.< ...心想...他應該是太過急所以在小解吧...但是車行五秒之後，我見到有個開放的公廁...那麼... O~ 單車交通意外 親眼目睹有人因為技術不精而抄埋鐵欄，好彩重要部份沒有受傷，只是手肘破皮見骨。在下為此打了人生中第一次 的九九九 (當時連身處何地都不太清楚 ...) 幸好只是皮外傷，沒有骨折 ~~~

有時都不免會覺得自己 臭脾氣，待人以嚴，待己以寬 (自已 上 MSN 就係方便 溝通，人家上 MSN 就係浪費時間；自已在船上食東西是因為肚餓，別人在地鐵內進食就是不守規舉, etc...)。 對不會思考的人，在下異常黑心，當見到有人用不智的方法去做事的話時候，我總會忍不著笑 ~ 有時我的性格很剛烈，有時又很傷春悲秋 ~ 我可是非常要面子的，你可以 不給我錢、拿走我私人時間，但如果膽敢拿下面子，在下必定盡全力、不惜 同歸於盡 地奉陪到底 ~ 前幾天眼見 管理人員在問同事 之前完成的任務是如何測試時，問了很久都只是說了在 Layout 上試過，Correctness 係由於沒有資料所以從來沒試過。雖然，那個任務在這個項目上是微不足道，不過眼見有問題 還 抱著得過且過的心態去做，我以為這種人不會在這公司出現...俾我係管理人員就發左火好耐，邊可以仲和顏悅色 地跟他談？所以話我真係...心胸狹窄, 容不了低級錯誤, 做不了領導。 黃師傅 早前在 舊舊同事婚宴中說過 幫我算紫微斗數，今天還專程來要我拿出生時辰八時。以下就是師傅為在下開的命盤 : 人面色紅潤，相貌方圓，體格雄壯，雄氣有威，形貌堂堂。 說話過於直接，毫不保留，所以有時難免讓人受不了，而得罪他人。並且喜歡爭論，容易生氣。 做事積極主動，外交場合表現大方，喜歡參加活動，結交朋友。 言行舉止之間有帶男性氣質，個性強，異性緣佳，所以不會寂寞。 性格貞烈豪爽，有丈夫氣。 由於暫時在下都尚係食飽無憂米，所以問左師傅 我的姻緣如何: 夫妻宮無主星, 借對宮天同巨門, 但天同化忌,兩粒星都唔係咁光, 而且煞星比吉星多, so 主夫妻方面 in general 較差, 但....有天魁 和天鉞 星 : 應該會有人介紹女仔給你的, 你35-44 歲呢段時期, 應該會比較好 但最好的十年係 55-64 歲, 大器晚成, 晚年會比壯年好好多 老到無能力生仔 先有姻緣... 到時有心無力 lu ~ 我呢類人...似乎都係要絶種...XDDD

今早推過拿、看過漫畫、做過健身後，便一個人回到會展繼續下一個任務。 走到會展附近時，突然心中湧出 陳某 在 [火鳳燎原] 的那兩句 殘存亦沒路 兵敗如山倒 精神(睡得不好...思工作 思狗 思魚 思人 思...現在的季節) 和 肉體 (胃不時地痛)，都有點問題...點算？

我又要講故事了 ~ 從前，有一個大地主，想要收割其管理範圍內的森林，所以請來一班樵夫，這班樵夫帶著精良的器材，而且孔武有力。地主起初很高興，因為這班樵夫工作效率其高，而且砍下來的樹都近乎完好無缺。不過，由於請來的樵夫有限，所以產限不及預期。 有一天，大地主發現原來被白蟻飳過的樹會很容易砍，而且有些白蟻原來就是要立志做樵夫的，只可惜投錯胎 ~ XDDD...於是大地主 對樵夫說 以後會有白蟻來幫輕你們一下，其中有些還是個能成大器的！你們要好好合作噢！ Food for Thought: 1) 白蟻會因為上進而變成樵夫嗎？ 2) 是不是所有白蟻都立志做樵夫？ 3) 會不會有些白蟻為了不被大地主消除而扮成 立志做樵夫呢？ 4) 如果白蟻不受控制，亂飳樹木的話，砍下來的樹還有用嗎？ 5) 如果大地主到收成日才發現，所有樹都給飳壞了，他值得可憐嗎？

在下係一個很喜歡模倣別人的人，無論是表情、行為 或 語氣。有時我會模倣 同事 B 的廣東話語音不正, 有時我會扮 同事 J 的可愛聲線，有時我會用 粉果的英文生字發音，有時我更會以下犯上地扮神...所有都是為了攪笑...不過有些人，一旦你扮過了便會潛移默化左，令在下忘記了 那個發音 / 聲線 / 動作 / 神韻...是在下的...還是別人的... 我是誰？ 特然想起了 周華健 唱的 那首 [誰叫我]

在下EQ 低, 不能接受擁有多過五項以下條件的同業 (在下幹 I.T. 的)： 1) 年資比在下高 2) 職位比在下高 3) 工作能力比在下低 4) 經驗比在下少 5) 出錯比在下多 6) 唔識又唔問, 錯左仲要話自已無做過 一旦發現，必用 毒舌、嘲諷 攻擊。請恕在下無能，但現在我深信，低級但影響力大的錯誤，這個 項目現在付不起...

上星期一次過補回兩餐 遲來的朋友生飯。 一餐在 尖咀 LCX CPK 與幾位舊同事 (生日的是 W 舊同事) 食。要特別介紹這個 : 有少少甜、少少酸的 生菜包 : 素薄餅 意粉兩個 (忘了是啥 ~~~ XDD) 晚飯中，我忍不住要講講當日之前發生的那個 Office WTF，差點壞了當時氣氛。飯後，W 問我，我真的覺得工作這樣重要嗎？食過晚飯還要回去工作...我說，如果只有一個人這樣"搏"，那其他人都會覺得那人傻；但現在是一整班人這樣 "搏"，這種感覺尤如 去當兵時的隊友 (在下未當過兵XDD )，在下實在不想放下他們 (當然...約左人的話，我都會去食飯的...只是...如果時間和體力許可，我會回去繼續工作) 另一餐 則是 補回 乾乾天使 - 士多啤梨冰 的生日飯 --- 應該說是生日壽司。很久沒有見面，一見她就給我一份禮物 : 一按下去，鬆鬆軟軟的，打開才知 ~ 是櫻花味 豆沙包。 多謝 士多啤梨冰 ~ 這個應該是我第一個食的 櫻花味 豆沙包 (在下一向只有在 叮噹內見過 豆沙包，很少會買來吃)。 不過，這次亦是我頭一次見 士多啤梨冰 穿 Suit，感覺成熟了不少。真是歲月不留人，很快又有一批畢業生投入人力巿場了，我個 C 佛又再老一年。 坐低後，她還說那條裙之前是 Just Fit的，如今，她一邊走路，條裙就不停在轉 (很鬆的意思...即是她清減成功...正在我面前放閃光 >.< )。 見到 士多啤梨冰 不斷為自己的目標努力，令我不禁回想起當年自己的頹廢 雙失歲月 (五月底 至 七月中)，天天沒事幹，十一點才起身，閒著打 Application Letter、上 JobsDB、JIJIS等等的網頁。真係有咁耐風流，有咁耐辛苦呀 ~~~

作為人類的我們，他朝老了、病了，可能可以選擇如何了結我們自己的生命... 但年老多病寵物的生命卻在主人手中.... 還記得前幾晚家妹在 MSN 問我一句：「真的要放棄嗎？」當時，我沒有回應，這個是一個很難回答的問題...相處十多年，對細細我當然不想放棄...但眼見目前的醫療只是拖慢牠的老化、廷長其受苦時間...那...我又應該如何呢... 前兩日見到細細的腹部積水情況轉為不隱定，兩三天之內斷續地積水兩次，問過妹妹是否他 肝 或 腎 功能衰竭，妹妹回答：「若果腎功能衰竭，牠的口應該會有強烈的尿味！但牠沒有 ~ 」...今朝我抱牠時，我覺得牠的口很重尿味...不知是因為自己剛清理完，還是... 最近跟朋友談天時，提到南朗醫院。記得自己的中學時代，學校老師安排過我們一班學生到南朗醫院探訪，當時只知道那是一間主要為末期癌症 / 愛滋病人提供善終服務。何謂 善終服務 ？就是 幫助患 病者 減輕痛楚和舒緩病徵，讓他們餘下的日子活得舒適和有尊嚴 。 對於年事已高而且有心臟發大的細細，我們 (家妹) 可以做的...就是按時給牠食藥、閒時幫牠按摩、定期覆診、發病得利害時看急症、和...上網找些寵物善終 / 殯儀 資料... 人道毁滅？現在言之尚早...

上週日在跟 舊女同事 J 在 MSN 談天時講到 「曾經試過」但沒有收到預期結果 的情況 ~ 言談中，我想了這個陪伴我成長的電台節目 -- RTHK Radio 2 的 星空奇遇鐵達尼 。很久沒有聽了，這令我回想我還可以在家中食飯，飯後我又有時候和精神洗碟的日子 ~ 日子過得很平淡，但...其實我正正就是享受那種無所事事的感覺 ~ 當我在批評那些只顧自己付出多少，而不理自己平時積下多少 "陰德" 的死小孩時， J 突然提出了「 草莓族 」這一個名詞。原來...當我用一隻手指指著那些死小孩子，有四隻手指是指著自己的...在下都算是草莓族...因為在下覺得在下擁有了以下幾個特質: 抗壓性低 (壓力一大，我就不停進食以得到安全感...所以...攪到如此身世...) 受挫性低 (回想當日失戀...一蹶不掁...不能跟家嚴相比...自慚不如...) 穩定度低 (心情很容易受到外界刺激而大上大落，憤怒時會很想爆粗，低落時會很想哭) 學歷高但操作能力差 (Well ~ 大學畢業唔算高，但係操作能力就確係差...)

今日九時許放工，我沒有像以往般坐船回家，卻坐地鐡往北角方向走。 在地鐡途上，為了解悶，我不時在用手機看 Google Reader 就是在講電話。在我下車之前的十秒，我往四週環視了一下，除了覺得四圍的人鄙視我講電話講得太大聲之外，我還見到一個貎似妳的人，當時，我皺了一下眉，想一想...那張似曾相識的臉是誰...當我反應得來的時候，列車門已經打開了...我便慣性地急腳走出去...連一個招呼都沒有打... 那是妳嗎？如果是的話，我在這兒補番句：「還好嗎？」 今晚 (3-Apr-2008) 的星空奇遇鐵達尼 頭幾分鐘的歌，令我心又忍忍痛... 年頭在灣仔逛時見到這間店:

在下於上個復活節第一日假期...終於醉了 ~ 醉了...除了很辛苦地吐之外，還麻煩了要朋友 / 同事送回家，如果遇人不熟...分分鐘會流落街頭...唉 ~~~ 下次不敢了 ~ 之前之所以 沒有喝醉過，我想大概只是各位人兄沒有灌醉我的推動力...我的事...本來就是攤了出來讓你們看，不用酒後我也會吐真言 ~ XDDD 我這樣的性格...點似出黎社會做事 !? XDD

復活節的兩日假期內 (我只放了兩天假)，在下看了兩套電影 ~ 以下內容有劇透成份，敬請注意 : 我的最愛 很精彩的一套集 現代愛情 和 黑幫復仇(有流血場面) 於一身的港產片。 戲中提出了以下幾個點 : 何謂最愛 ? 在電腦內，我的最愛是可以任意加減，愛則留，不愛則刪 ~ 現代愛情...眼看未為真..當你認真時...又怎知另一方都是認真的呢？ 你以為男人真的會因為前科而知錯能改嗎？ 情人的信任...真的可以改變一個人嗎？ 後備情人...行得通嗎？ 情人可以有後備嗎？ 值得留意的是戲中的大耳 Loan 黃祖藍 的 笑點位 ~ 在下實在不知是他學 詹瑞文，還是他們兩個都在摸倣同一位人... 另一位要留意的就是 Stephy...她那個 高八度 和 不合理的天真 實在令我想起... 很天真...很傻... 史柏力魔怪書 離婚...受傷的永遠都是孩子。所以不要被那一時衝動而妄下結婚生小孩的念頭~ 做之前 停一停 諗一諗...

最近目睹兩次讓座: 一次在深圳，一次在香港 (Well ~ 目睹即是我沒有讓...XDDD) 。很巧地，兩次都在地鐵內。 在香港的那次，是一位熱心女仕讓位給一位 頭髮斑白的老太太。在深圳的那次，就是一個仁兄讓座給一位老先生 和 一位老太太 (!?)。他除了自己讓座之外, 還拉了原本坐他旁的女仕一起讓座(他倆應該是好朋友...雖然看來她不太願意讓座)。 雖然我不太讚同該位仁兄強行要朋友讓座的行為，不過在下覺得他真的有心。 恕在下膚淺，在雖然只是一件小小的讓座事件，但在下覺得 深圳的文化 及 修養 方面不斷提升，而反觀香港...隨街棄垃圾...吐痰...插隧...依然是隨時隨地發生...長此下去，都係番大陸好過...

程式員的經驗和思考模式主宰了編程時程式的質素~ 最近有幸跟一位非常精於找碴、考慮極端例子的的客戶交手，令在下深深地感受到...天外有天，人外有人。我很少會因為要想如何跟某人對應，想著想著可以想到凌晨五時許 (那就是我病都差少少睡不著的原因)...只可惜，無論我如何努力的去想，最後，我還是敗了給他... 雖然事過景遷，但這位人兄已經在我....和我的同事們 心中留下深刻印象 ~ 有時...心思細密、考慮周詳，都需要個限度 ~ OTL

人不可以貌相~ 我很驚訝~!! 青靚白淨的原來熟過我, 樣殘過我的原來後生過我...我對眼...好無用呀 ~~~~ 呢個世界好謎呀~~ btw, 我絶無挖苦之意...只係受不住這接二連三的打擊...

重蹈覆轍: Google Search Result 形容人們又再走那條翻過車的舊路 ~ 意指 人們不懂從經驗中學習 ~ 不要誤以為覆轍係指 重複的路線 ~ 以下來個錯誤試範: Y 君 : 咦? 幹嗎又提起第一位女朋友?難道你跟她重蹈覆轍嗎? 在這個情況，如果想講 某君 與舊愛和好，大家用 舊情復熾、愛火重燃、破鏡重圓 或 重收舊好。 但如果閣下係想攪 Gag 的話，咁...隨便啦 ~

在中同的介紹下識到 T 小姐，一向覺得她男仔頭 女人身之外，總覺得她有種港女的感覺，又或者我應該說明清楚少少...就是覺得她有點不學無術、身無半點墨 (那是我的感覺，好難解釋...又或者係我唔識解釋...)...可能是因為我沒有深入了解她吧 Hor Hor Hor ~~~ 不過，所有徧見都已經被以下相片內的東西打破了: 再前一個星期六，多得 T 小姐的邀請，我到她家和她一眾同事打Wii、打牌、鋤 D、食飯一番。最近我以為她說煮飯是煮公仔麵的意思...點知...原來係海鮮大餐 ~ 一個姐姐仔煮到七個人的食物... 我好耐無見過女仔識煮餸啦 ~~~ 以上七個餸...除左個肉餅之外，我全部都係唔識煮...呀~~~ T 小姐 妳好勁呀 ~~~~~ 突然回想到以前有人為我煮午餐的日子，當時在下唔識貨...Anyway ~ Let bygone be bygone ~ 家陣...唯有出街食 / 叫外賣....唉 ~~~

上個星期坐船時見到一艘 金啡色的船，很想拍下它，只可惜我的手機竟然對我說 "記憶體不足"...令我錯失拍下它的時機 ~ 翌日才知那是 LV 租了那艘船，還送了 LV 水手裝 給各船員在 On Duty 時穿著 ~ Wow ~ 有 Budget ~ 想點玩就點玩 ~ Money Money Money ~ Must be funny ! In the rich men's world!!!

前兩個星期去了 惠州 御臨門 溫泉渡假村，差了一天電。這個環境不錯，只是有點遠 (坐了三個鐘車)。有些 HKDSA 的同學們說這裏也有 巴里的感覺... O Well~ 在下未去過巴里...所以答唔到嘴 ~~ 晚上夜燒時段還去了食...蜂蛹...但我見到就...唔想食... 最舒服的時間是行程翌日的早上，溫泉內沒啥人，很自悠自在的 ~ 只是有點冷 ~ 全程十分愉快、亦非常放鬆 ~ 多謝會長 和 各位幹仕 的努力...我這陣子可以做的...就只有參與...Or2

在整理電話內的文件 和 相片時，找到了一大堆 "我想在我 Blog 分享的相片"...不過都是 2007 年拍的 (沒有早前很火的自拍啦 ~~~ XDDDD) 上年回過火大，見到有這樣的宣傳...令我無名火三千丈: 小狗在發病附近時拍下的: 朋友入股的商店...竟然下午兩點還未開: 表妹回港: 跟 HKDSA 同學回大陸飲茶 + 按摩...有車真好 ~~~ 不約而遇的中同...一同去食雪糕 ~ 兩隻貓在家妹的懷抱中: 我夢想中的家 很有被海包圍的感覺 很平靜 : 第一次等 食飯 等左成個鐘... 火大 我最常留連的地方 : 一張很攪笑的警告: 被高手打中的 Kenny :

很久沒有試過十一點左右走人，係好耐無咁早走過 Or2 越近四月，我們的壓力就越大 ~ 當年 戰狼300 都係做左 三日戰狼就全部升仙 ( Wiki 說還有兩個無死)；今時今日，我地會展死仕 30 頂左個幾兩個月，無視假期、斷六親，雖然唔係最完美地將個 Project 放出街，但係都叫做盡左力 ~ 各住 ~ 仲差少少，唔好俾負能量吞蝕呀 ~ 事在人為，我覺得呢間公司幾好：假若你有野係唔掂的話，早響係唔會有事的 ~ 只怕你自己話無問題，然後煩左一輪唔叫救命，到死期到你先話唔得的話，你就真係仆直啦 ~ 最開心聽到 Joseph 那一句 "There's never too much communication"。 相對之下，又想起當年那個所謂的 Project Manager，自己就準時走，成日就叫兄弟放假番黎加班。叫人做商業義工又唔請人食野，門面野又唔識做...頂 ~ 最攪笑係佢準時上左 Shuttle 就打電話 問人做野 d 野未。見到 d 兄弟在同一輛 Shuttle 內就問人地阿頭 佢係咪無野做...頂~ 咁邊有士氣架 ~ 另外那些 資深員工除左識人多 (人脈廣) 之外，做野方法超級古舊，明明街外大把 freeware 可以用作 Issue Tracking 都唔用，一定要用 Excel ~ 最後就 Re-invent the wheel 地找個 Programmer 用兩三個星期寫個要 Install 的 Access Client 去 Manage d faults...唉 ~ 其實呢個都可以 submit 去 WTF ... 仲有仲有 ~ 就係軟皮蛇 Leader ~ 他最利害的地方就係無主見、任由其他 Team Leader 直接叫你做野，最後就當然係無人知你 Overload (亦都無人會 Care)，你手上的東西唔知做邊樣先、做左第二 d 反而會俾人話你唔重視佢 ~ 唉 ~ 番工尤如玩雜技，學埋佢地 d 野分分鐘會中毒... (我已經學了不少 A 字膊 和 事不關己 就睇你唔到 睇你唔到...) 呀 ? 乜我之前講過呢件事啦咩？噢 ~ 呢件事，已經在我心中留下烙印，永不磨滅。 That's why I go away I know ~ XDDD

昨晚...凌晨三時左右回到家，洗過澡、沖洗過後，本以為一覺可以睡到天亮...但可惜...在床上典到五點幾...最後拿出絶招 (開卷 !!!) 才可以在半小時內睡著... 昨晚當在下雙眼合上時，腦內隨即想起還有多少未完成事項...在下深明各位死仕無一能幸免於 Ever Increasing Task List, 但係最近我的一反常態 (以往我真係理得你死 ...眼瞓實走先...大被過頭就睡 ~~)，睡在床時才開始想對策...我們的工作流是不是少了甚麼...唉...我這算是進步了 還是 自討苦吃 ? 不過講起苦，總有人可以跟我鬥苦... 最近見到舊同事(好人) 很忙，他說為了會考 (明明大學都已經讀完...還會考幹嗎!?) !?? 想必他又為了 那些 囡囡 仆心仆命...只可惜 佢當人係寶，人地未必懂得珍惜... 呢 d 位正正就係吃力不討好 ~ 亦在下最怕做的位 ~ 所以在下很少去幫人 修電腦 / 搬野 / 攞野 / 送貨 (好人 / 馱獸 的天職)...除非我超級得閒 (註: 超級得閒 = 我已經完成了[1] 悠閒地在沙灘看書 [2] 打機 [3] 上網 [4] 看漫畫 [5] 工作)... 又或者...我與要求者的關係甚好 (親戚 / 兒時朋友 / 好朋友) 今晚...去了打羽毛球...身體總算是運動過一下...但...可惜...我竟然跟 Dual Core 談到兩點幾...再上 wiki 看東西...還到了這裏打 Blog ~ XDDD 明早一早去和合山拜山...Or2...唉 ~

上個週日，我做一件壞事 --- 就是我沒有如我之前所說的那樣回會展趕工。 其實，這幾個星期所有同事都很累，為的就是一條死線 ~ 四月十幾號的一條死線。 在下的人生中某一段時間，曾經想過計劃將來；但現在，I never look further than this week or next week (Lyrics from Waltz For Eva & Che - Evita)。在下深知自己未算苦，能力更高的所擔當的比在下更多。那些一連幾天天亮才走，中午又回來繼續趕工的死仕們，在下在此致以萬二分的敬意。 在下身體一向不太好，亂了生理時鐘的話很難攪，所以平時都不想太夜睡...但最近 未過三點都尚在工作間...。星期日推拿過後，因為約了人未夠鐘，所以坐了在推拿師博的 Sofa上，本來打算工作一會兒，但卻睡了九個字之多時，那一刻在下打消了上班的念頭，我深知我最需要的是 睡眠 ~~~ 其實我想，想一覺熟睡...

看了 空姐的一篇文章 ，她大方地說自己「沒出息」。 其實，我理想中的生活並不是事業有成、有 四仔 ，而是很「沒出息」地在每個下午坐在沙灘上，手執一本喜愛的書，被太陽暖暖的曬著、海風輕輕的吹著。有沒有人陪不打緊，那份悠閒是我期待已久的、是我渴望的(至少現在是)。 無奈我這份人的壞處...，一是死牛一邊頸、二是唔認輸 ~ 所以做到家陣都未收工...

自從上個連續一個星期每朝凌晨四至七時離開會展，在下的生理時鐘已經亂得...不知所謂 本週有幾夜，明明凌晨一點幾兩點上床，但都要三時許才睡得著... 今晚一點幾上床...但因為有點兒擔心 Ex, 所以更加睡不著...故起身打埋個 Blog 才再上床典過... 其實今個星期的 Workload 開始正常，後來加入的人們進度應該唔錯...只可惜，時間一到，他們就會煙消雲散 ~ 到時咱們又要再忙過。 不過不得不讚一下這間公司的人，質素一流，而且唔係一個兩個係咁...而係個個都好勁 ~ 無論係在責任感、個人、修養、EQ、技術方面的質素，都係在下見過的最好的 ~~~ 覺得好感動 ~~~

病癒後的這個星期，在下開始用手機看那些堆積如山的 Emails[in Gmail ] 和 Blogs [in Google Reader ]。 在 Kursk Sir 內一個 Blog Entry 看到上週六新聞說到 一位失聰教師 李菁跳樓自殺，看過後心中很是擔心...很想打個電話 / 發個短訊 給妳...但...我又徧徧把所有的念頭都按止住。 如果妳還有來這裏，妳應該會看到這個 Post ~ 如果妳已經沒有來了，我亦沒有打擾妳的念頭 ~ 現在我選擇了在此表示了對妳的關心 ~ 希望妳工作辛苦、全程投入之時，亦要像 Kursk Sir 講那樣 懂得抽離 ~ 千萬不要放棄生命 ~ 雖然我跟死者素未謀面，但也希望她可以安息 ~ 別了 ~ 羊狼二世 老師

各位好 ~ 大家可能以為我 死了、失縱了、或者是被人先姦後殺、又或者先殺後姦、...(下刪三百字) 不用擔心，最近我只是病了... 唔病唔知自體弱，這一病的始末是這樣的 ~~~ (豎琴聲 ~ 唔該) 話說我年初五就北上深圳工作兩星期 (星期五可以回港，下星期一再一早上...)，由於水土不服，所以腸胃差了，加上經常夜瞓 (唔係去左蒲...而係用 Laptop 寫 program ... check program... 做 POC, etc...)，所以身體抵抗力轉差。再加上，小別勝新婚(在下仲係單身、未有女朋友)，一回港就係咁食、係咁玩，玩到第二朝...咁...有乜辦法唔弱呀 ~~~ 最近流感肆虐，少少的感冒，發了我兩天燒，病入膏盲...說也奇怪，我自有認知以來都好像未試過斷斷續續連發兩天燒...原來發燒發兩日...係會令人全身乏力架!!!! 而病未癒，在下就已經開始加班，全因...我病得不合時...病在 Project 死線時 ... 囧TL 不過 ~ 就算係七天工作週，我都有好好休息。如今，我已好得七七八八，仲有精神在今日早收工 (晚上十一點三離開 ~~) 的情況下打 Blog，你就知我Okay la ~ Hor Hor Hor 現在這種生活真係幾辛苦，但係唔辛苦...又點會學到野呢？我自認係一個好賤的人...無人迫我，我係唔會主動去學 / 做野 gal ~ 我深信能力係被迫出來的 ~~ 沒有 不可能的死線，又點會有突破呢？ 今次最開心的是...有一班好有責任感、好有鬥志的伙伴一齊奮鬥...這種感覺，就如身處於煉丹爐內的丹...不過...最後被煉成 毒丹 定係 仙丹...就睇個人收為啦 ~ XDDDD 希望各位都身體健康 ~ 明日後日我會北上放假，去 御臨門 温泉渡假村 ~ 祝各位都有個愉快的週末 ~

經過兩日繼繼續續的發燒、退燒，現在好像開始好轉了。 這兩天做過的...就只有趟在床上好好休息 ~~~ 其他的事，都暫時放下了。 多謝各位的關心 ~

好景不常...我又在死線附近患了病 -- 感冒 ( 發燒 + 咳 + 肚瀉 + 流鼻水)，昨日請了一天假...但今天亦未見好轉...不得不休息一下...在夢中又隱隱若若地想起那個未完成的 Task...唉 ~

以前在 K 房唱歌，都只唱主音的那些。 最近，不知為何很想學唱和音...只可惜...唱出來時被人笑 唱到好像 五音不全... 其實...第一次令我覺得唱和音是件很難的事 的人 就是唱 "Sound of Silence" 的 Paul Frederic Simon , 點解可以全完唔理隔離嗰個唱主音的人...唱住自己的和音 (or 二重唱 in different key...) 及後，自己玩玩下...試過在家錄自己一個唱晒的 version...感覺很差...Orz 不過，有時覺得，在 K 房...預期幾個人爭在同一個 key 大叫...不如我試唱和音 XDDD (唱得五音不全的話 請見諒...)

今天在反省自己時，又想記了 Frozen 的歌詞 ... You only see what your eyes want to see How can life be what you wanna to be You're frozen, when your heart's not open 在自已的Blog 內了一會，原來上年我寫過一篇 這樣的文 。似乎這個世界上，我有太多東西是我看不順眼的...太多的批評、太少的恩賞... 最近得到智者指點，說我有著太多的假設。當時的即時反應當然是反駁...在下的假設是建基於在下的往事、經驗 和 信念...大家有著不同的成長和事業背景，所以我的假設跟智者的不同亦不足為奇。這幾晚，夜深人靜時，自己反問了自己...假設有問題嗎？ 假設無疑會加快了在下對某些事情的判斷；但亦阻止了在下觀察 和 思考。 假設建基於在下的過往經驗；但如果在下的經驗不足，恐怕那個假設只會令在下武斷了。 而信念方面，有以下主要幾個: 1) 勿以善小而不為，勿以惡小而為之 2) 知而不為，恥也 3) 做 I.T. ...連Google 都不會用，不如辭職歸故里... 經驗...不提也吧 ~ 箇中的感受...只有自己才知 ~~~ 最近跟人說起 風度 和 港女 這兩個詞彙 ~ 說也奇怪...我未能在 Wikipedia 內找到 風度的解釋...但港女則有以下一堆... 偽基百科 , 維基百科 , 香港網絡大典 可能是風度太過抽象，而且各男仕的表達方法不一，所以未有定義...還是我的 Google search skill 太低了!? 要萬分提醒自己: 1) 刻己復禮 2) 不要自大狂妄 不論在甚麼時間...