旦願外星人毁滅左人類 ~

今日，做完 Gym 後，單挑去睇戲。
我揀左 [地球停轉日]...
以下有劇透










其實都唔係話外星人咁利害令到個地球唔轉，佢地只係黎救地球 gel...而咁啱人類就係攪地球死死下的物種。不過今次 同 [天煞-地球反擊戰] 的外星人唔同，佢地係考察過後覺得人類無得救先至狠心下決定。可惜最後都俾人類動之以情左...

成套片想帶出的訊息就係 如果我地仲唔好好對個地球，總有一日要付出代價。睇完嗰刻，在下好有愛護地球的想法，但一秒後，左邊一個死小孩話：「好無聊呀！」，右邊一個死靚妹話：「嘩！我悶到瞓左兩次呀 ~ 」
我都係覺得個外星人係應該毁滅人類的 ~