Skip to main content

我最討厭的東西...

在下EQ 低, 不能接受擁有多過五項以下條件的同業 (在下幹 I.T. 的):

1) 年資比在下高
2) 職位比在下高
3) 工作能力比在下低
4) 經驗比在下少
5) 出錯比在下多
6) 唔識又唔問, 錯左仲要話自已無做過

一旦發現,必用 毒舌、嘲諷 攻擊。請恕在下無能,但現在我深信,低級但影響力大的錯誤,這個 項目現在付不起...

Comments

安諾勿斯 said…
小弟都EQ低,都唔能夠接受衰超過以下五項o既同行:

1) 年資比小弟淺
2) 職位比小弟低
3) 聽教程度小弟低(唔聽教)
4) 經驗比小弟淺
5) 重複出錯比小弟多(成日犯d careless mistake)
6) 唔識又唔問,錯左又唔認,仲要話小弟冇教過(最憎!!)

一旦發現…萛啦,時下d靚仔係咁架啦…
Kenny Yan said…
係靚仔都仲會聽教聽話,問題係 嗰 d Pat Pat 俾我老的,錯左 N 次都仲係點唔明嗰 d ~ 如果唔係同一個 Project 我都只會得啖笑,一齊做野我就真係笑唔出,仲會萬分扯火。

難道真係要佢罰抄一百次 "我以後 Check In 前會先試一下"? XDDD

如果係靚仔...我心都仲會存希望...嗰 d 自以為是 又唔肯認衰的 Pat Pat,在下無能為力...除左希望佢地唔會產生負數人日之外,還可以幹啥?
OTL
Anonymous said…
近來我迷上了<<The undercover economist>> 同埋<<The logic of life>>。

兩本書的重點都係講緊一樣野。
人係 rational (理性)的,人所做做事情係會 respond to incentives。

所以,呢個問題係社會問題,唔係一人或幾個人可以 control 同 manage 的。

家下,叻或醒目的香港人,係唔會入IT 呢行。雖然呢個事實唔係咁 encouraging ,但呢個係事實。君不見大學IT 收生成績每況愈下,我雖然不太認同就是讀書叻,做野就"一定"會好D,讀書不成,做野就差D。

但這個關係係有一定程度的 correlation ,我叫呢D 做 statistical discrimination。

講返轉頭,其實我某程度上接受左身邊D人做事未比事事盡如人意。基於時間關係,只要表面上 okay ,我就算了。

正因為人係 respond to incentives ,當放工時間係建基於你幾早可以 fix 曬D 1 2 6 priority bugs ,你就唔可以期望佢地會好靚仔咁 fix bug ,或見到D 唔妥的地方,都好心 fix 埋。

當無論你係 weekdays 做得幾快幾好都好,都不能避免周未不用上班的時候,那平時做得快做得好又有甚麼用?

又例如,如果肯挺身指出工作的問題,又或者挺身去擔當更重要的任務,而換來的,只係更重的 workload ,更長的工作時間,更大的壓力。那麼你怎能要求teammates 會 motivated 呢?

其實,要IT項目做得成功,人的因素十分重要。而要 motivate team member ,一個正常的 incentive system 好重要,例如,只要能在指定時間內做完一個 task in good quality ,咁就唔駛 weekends 返工,咁先可以 motivate people。

我成日都講, motivation 係PM要做的事,而不是team member 的責任。

Respond to incentives 係人之常情,請恕我今次打得比較長。:P

My 2 cents
Kenny Yan said…
只怪我認知不足,經驗不足,EQ 低,對此情此境無能為力...

但這正正是我最討厭的感覺...
Anonymous said…
其實project中有二種人, 一種係死仕,一種係non-死仕. 對non-死仕來說, 我明白Alex所指的incentive. 對死仕來說, 可能只是要做好自己的工作.

要有全team motivation - 可以要由死仕感化non-死仕, 令更多non-死仕變成死仕,或是由team leader帶起...

死仕 - 我唔係話做到7x24,要日日咁做, 一定唔得.只係...要有想把project做好既心,過得了自己.

Task in acceptable quality - 其實我會覺得這是一個人對自己的基本要求,不應在要incentive之下而要做到的. 要過得了自己.
安諾勿斯 said…
小弟作為一個「老屎忽」,都深明恃老賣老,不求甚解,得過且過,要後輩執屎,係「老屎忽」o既通病。

未試過照check-in,見怪不怪lu。未compile過照check-in,搞到build都build唔到,大有人在。有時對d執迷不悟o既人,真係要執善固執。build唔到,send個email俾全世界,話俾人聽,因為某人o既careless mistake,搞到個build delay n個鐘,等佢成為千夫所指。再唔係,叫你老頂搵佢做build。佢領翻一兩次o野,執翻自己d屎,我諗佢哩世都記得試code。

哩個世界「負人頭」多的是,緊係有個係左近。「負人頭」有破壞冇建設,應該係炒之而後快。現實係,「負人頭」始終出緊糧,炒佢又要出多筆,唔化萛。既然「負人頭」要計人頭,你老闆都要搵地方absorb o左佢。如果你條team咁不幸被欽點中,咪當之前好彩今次還翻。

既然「負人頭」係你條team係鐵一般o既事實,唔開心又係做,開心又係做,倒不如開心d,諗吓點樣work with「負人頭」,諗吓點樣可以令佢「負」少d。做o野時盡量提多d佢,甚至捉住佢手仔做,鋪埋條路俾佢行,希望可以令佢o既殺傷力減到最低。都唔得,咪做埋佢個份,徹底凍結佢。

你會問咁「忍辱負重」咪好蝕底。小弟唔係叫你做死仕,齋做唔嘈。要嘈,仲要嘈得有咁大聲得咁大聲,要全世界知「負人頭」幾唔點,你幾「忍辱負重」,你老闆先有籍口郁佢。老闆見個project搞得點,又見你以大局為重去幫「負人頭」,老闆一定加你分。如果你老闆無動於終,一d表現都冇。咁睇黎你老闆對你都唔多重視,都係「靜極思動」o既時候。

最後,小弟想回應motivation。好似打籃球咁,你可能打pg、sg、sf、pf或者c,每個位都有自己o既分功。如果你打好自己個位,有時要補吓隊友,你係一個好好o既player。但係,如果你想做一個great player,不單要打好自己個位,補到隊友,仲要場外場內激勵你o既隊友,發揮隊友o既潛能,提昇隊友o既能力,MJ就係當中o既表表者。公牛王朝,Phil Jackson唔係一個最好o既教練咩?但係打緊o既時候,如果唔叫暫停,Phil Jackson幾勁都好,都好難幫到隊波。係場內激勵領導隊友o既責任,往往落o左係MJ到。如果你想做一個great player,小弟諗你會知點做。
Anonymous said…
對於Motivation 這個看法,只是將我觀察到的現象,嘗試用一套比較有系統和理論基礎來解釋。

這個一個數十人的項目,我可以說,這是我見到 motivation/incentive system 上的一個漏洞。共產經濟主義的失敗,是因為在系統上沒有考慮到人respond to incentives天性問題。

在這裡的 incentives ,並不是指「錢、晉昇機會」呢D狹窄的範疇。其實,可以係好簡單的,我只想早點放工照顧家庭、見下我的bf/gf、想早D吃飯、想早點休息等等。

此外,項目的system 和 process 會因為人數眾多而變得比hero 重要。

如果一個 project 的成功,只係靠一部份hero努力,那只是停留於CMM level 1 的階段。

聽見上頭想把quality 做好,但 process 上如何做呢?如何做好QA 呢?並沒有提出具體的方案。

純粹得一個 mission statement 或者 mission objective 是不足夠的。

其實,在下心中確有許多老生常談的方案。例如,code review 、design walkthrough、定好曬D coding convention/exception handling 先開始做等,但可惜是...... 時間人手根本不足夠。

我也曾經講過,如果,你要比我執正來做。80% 的 code 要 rewrite ,一半的人要來過 intensive coaching,但現實是,我們需要團隊的力量在 deadline 之前 deliver,team leaders 亦忙於自我救火,要做防火預防措施..... 談何容易!

Popular posts from this blog

改變

古語有云:「窮則變,變則通。」 今年五月做了一個很大的決定 - 轉工,亦即是結束我在這間國際商業公司的四年長工。回想到當年,在下帶著一鼓對之前那電訊公司文化的不滿 和 對資訊科技的熱誠,大膽地加入一個令人聞風喪膽的項目做合約員工。現在想起,真的要為自己當年的決定感到驕傲。沒有當年的勇氣 和 鬥志,沒有每些艱難的項目,今天我也許還是一個 只會怨天尤人 廢中。 以前我覺得跟用戶談需求是浪費時間,寫化碼一定要跟 Sun MicroSystems 的 Java Coding Convention,帶人一定慢過自己做。 今天我懂得人與人溝通的重要性。我知道有效地將一個訊息傳到聆聽的人 比 自怨自艾 好上一萬倍,也知道沒有人想寫一些不容易維護的代碼,可能只是因為經驗不足、沒有回顧 或 不夠時間⋯⋯等等。還有,一個團隊合作的總輸出 比 各自的輸出 高得多。 在下學會了很多(年紀沒有白長),同時亦知道我懂的只是少部份,世界上還有許許多多我知道我不知道的 和 我不知道我不知道的。有了這些認知,我性情改變了 (雖不知道是因為怕自己血壓再高會有健康問題 還是真的 動心忍性)、平和了。 轉工過後,私人時間多了(當然打電玩的時間還是存在的),亦開始去學一些這些年有想過教但 "沒時間"學的科技。開始時總有點不想改變(隋性),但開始過後又不想停(也是隋性)。現在要去學一種科技真的很方便!YouTube 有很多片教學如何 X 分鐘學懂 YY,很多科技都有免費的培訓 (e.g. Mongo University, MuleSoft.U, etc),閣下只要家裹有台可以上網的電腦,便可以學到各樣科技。 我對之前的磨練 和 工作給我認識很多不同人的機會 是十分肯定的。今天在下只是想分享一下我對自己開始去學"新東西" 的喜悅 jer ~~~ 我真的很快樂 :)

機構目標 Organization's Objectives

 今早 發生了一個小故事. 是咁的, 今早有位快递員送了一個 生果 籃到在下家. 過了一段時間後, 該 快递員發了個語音訊息給在下, 問可否拍一張 生果 籃的照片並傳給他. 當時在下已跟內子把該 生果 籃拆了, 並將生果放入雪櫃.  該 快递員又發另一個語音 請求如若生果尚在的話, 可以隨意放回再拍照給他, 好讓 他交差.  是日在下十分合作, 如他所願地發了他需要的照片好讓他交差. 在這個故事內, 我可以推斷 / 想像到 該機構 需要快递員 拍照以證明生果 籃在甚麼情況下送到目的客戶地址。但若然  快递員 忘了這一步呢? 若果快递員對閣下作出以上要求, 閣下又會否理會? 在一個人多的機構內, 很多時候都有很多大家都不太明白為何要做, 但大家都正在做的程序。會不會都有跟以上故事差不多的效果? 也許閣下會覺得 在下沒有勇氣對該 快递員 直斥其非, 只敢在這吐糟。不過, 這個是  快递員 的錯嗎? 非也, 是因為香港土地不足!!

等. 等. 等, 又等.等.等, 又等.等.等.等.等

住了三天 Shared House, 昨天晚上才認識同屋的住客,他們都是來這邊讀書 或 工作假期的。 昨晚跟其中一個同屋聊天時,他鎖了自己的房門但忘了拿門匙 (反鎖了自己在廳外)...打電話給屋主又沒回應,當時他真的是心急如焚。最後屋主接到來電並帶著門匙來了,解了這位大頭蝦同屋之困。孤身來到的台灣人也不少,他們都很好人、很親切,但你必需要懂 普.通.話 (在下除了會不時發錯音 [把 信教 讀了...自己想吧] 之外, 一般的溝通還是可以的)。只可惜 在下 住在這裏的時間不長 (下星期三就要搬走了),不然會跟他們去附近走走 & 玩玩 (聽說他們會去玩 Rafting) ~~ 昨晚煮了 西芹鷄肉意大利粉 加 罐頭忌廉鷄湯, 熟的!!今晚會重複, 不過會用罐頭南瓜湯。一個人買菜真的很麻煩,買得少又不划算,買多又不想天天都重複。若在香港必定會落街食,但呢度出街食下下都過十蚊 (即 六十幾蚊 : 貴香港兩倍), 加上尚未有工做, 不敢亂花錢 (我可不想花光了錢便回港...沒臉見江東父老呢~~)。OH SHIT...我的鷄肉未解凍!!! Mother!! 昨天付了錢 (120) 參加 明天的 Kuranda 之旅, 打算明朝一早七時起床,八點半行到去 YHA 門口上車。唔知到時會唔遇到有趣的人呢 (幻想中) ~ 現在住的 Shared House 離 YHA 有二十分鐘 腳程 (沒有負重的話),要行出去巿中心便要 三十五分鐘。之前見到有些在附近住的人會騎單車出去,但在下一心諗住只會在此短留數天,所以唔會買單車。 Btw,前夜做夢又見到妳,為何總是想起妳...夢裏見到妳住的屋子比以前大多了,生活很好,妳的家人也很開心。為何永遠放不低...