健身

小弟在不久之前，認真的想過改變一下自己的型。想了很久，始終都覺得 廿幾歲 (都就快三張野...) 有個肚腩唔係咁襯，而且無論 d 衫幾靚幾型，著响個有肚腩同埋大 Pat Pat 的男人身上，都係怪怪的...所以一次偶然的機會上，我被成功游說 入了 美國加州 會，仲買左十二堂健身教練堂。

呢間野真係好識做生意，推銷一浪接一浪。本來我只係諗住一個月幾百蚊玩下無所謂，點知佢話有教練教會好 d ~ 我初頭諗住：「係 gal ~ d 機械我又唔係好識玩，睇書都睇唔到應該點做，有個人教會好 d gal ~ 」，但係...上左一堂之後佢又黎話 為左可以做個 健身 Program, 要買多少少 ~ 我心諗 ~ 做到八月好啦 ~ 最後買多十二堂...

昨日，我約左教練做健身...佢又黎...叫我買多廿四班...大佬 ~ 你真係當我有無限金錢咁 bor ~ 頂 ~

不過，無可否認，在下的體能在這幾年不斷下降 (以前都唔見得好...但係十年前 可以一口氣跑運動場一個圈 到 家陣...行快少少 / 上樓梯都有少少喘氣...實在係... 太差了 ...)。所以係有增加運動量的必要，去健身會係方便，不過... d 教練真係好煩人..