最近聽的歌 和 想看的戲

最近用了 moov，一個月三十多元，終於都不用非法下載又有新歌聽~~
呢個係我的 Song List :
New Song:
[古巨基 - 重複犯錯] : 好應景。
[公主太子 - 李克勤] : 那把女聲很好聽 。
[願我可以學會放低你 - 何韻詩] : 願...即係仲未放低到...唉~
[我的生存之道 - 楊千嬅] : 同[明年今日]差唔多...不過無咁灰。
[老了十年 - 張敬軒] :沖滿恨意...仲係無反省過嗰隻...同 [殺她死 - Pinpo] 無乜分別。
[畫意 - 王菀之] : 對梵高的弔念、對藝術家的堅持和讚賞。
[詩情 - 王菀之] : 我仲以為係一首貓叫的歌...不過都幾得意。

Old Song:
[陳奕迅 - 阿牛] : 都好應景。
[安靜 - 周杰倫] : 都係好應景。

上網找過 [妄想] 的資料，似乎這套戲已經落了畫，只好等出 VCD / DVD。不過，估不到原來[妄想]講述的是一個接受不了男朋友提出分手的女子 把他的男朋友殺了...還妄想他是意外死了，或者是失縱了... 這類的心理戲在 三更 已經見識過了，但我還是想看看香港版做成甚樣。主角做了很錯的事，因為憤怒傷/殺害了一個曾是最愛的人，接受不了自己的所作所為，便幻想是他人所為，心想：「一定是出了甚麼意外...她/他因意外失縱了！」。所以說，憤怒時不宜作出決定。提出分手的都要做得好，在白天安全的公共地方坦白道出原因，別拉東扯西、支吾以對，別要人死左都唔知乜事(reference link)...當年我好似無咁做...不過好在我無俾人隊冚...大家都係大學生，花左屋企好多錢，點可以為左一時意氣而白費多年的努力。不過，分手都有 d 好得意的方法 ~ 笑完就算啦~

[墨攻] 仲未上 ~ 唔知阿崑會唔會同我去睇...兩條仔去睇戲...好似從來都未試過。呀！記得好似之前同 峰哥 試過一次。

Mother! 今年百佳十一月就播出 聖誕歌，今年我點過都仲未諗到，有點不慣。過左九年的二人世界聖誕節，今年要同 Friend / 家人 過還是一個人坐在海邊吹風好呢？