吵架回憶

昨晚，在回家途中，我又開始回到以前的回憶中。

不過這次和之前的有點不同，我回到了當日在鰂魚涌的遊戲機中心打機打到唔捨得走...本來說過了會去接她放工，我仲早到半個鐘...最後佢放工後三個字我才捨得離開機舖(=.=) 我仲好似叫左佢去地鐵站等，但係又唔話俾佢知我响邊個出口...總之就係因為打機俾人連炒十幾舖所以心情唔多好~~之後在地鐵見到佢就先係一輪小吵架，跟住佢仲第一次用手打(com)我塊面...我好嬲...我轉身就走 (懶型)...。之後的事我就唔係好記得，不過最後都一齊去左一個地方......可能係去左佢屋企食飯...又或者係去左佢屋企附近食飯...又或者送左佢番屋企...又或者係去左一個地方食飯但係無送佢番屋企...真係唔記得啦!!...所以話寫日記真係好緊要ga...影相都係...。得~! 各位~ 我知我咁對女朋友係好過份~ 我好多時都係俾我的性緒控制住~ 我唔啱~ 改善中~

我仲以為我同佢之前無乜點吵架，原來都唔係~!!只係自己爭d唔記得左...

人同人之間的相處都有喜怒哀樂，自己覺得少了一點就渾身不自在的~!!現在全部都來齊了~! 心又好像放鬆了一點 :)

今天我又突然很想打電話給妳，不過當我回想起我當日如何對前度時...我又不禁打消了這個念頭。可能~ 妳很忙不能接我電話：可能，妳不想再聽我的聲音；可能，妳正在享受妳的生活，不想受到打擾；無論是甚麼可能，我只知道...當一個人決定不再愛另一個人時，那個人的死活是真的可以致諸不理的，那不是人性的醜陋...只是...在那個位置，你不能不這樣做，否則，失去的可能更多。