今年聖誕節

OK~ 不得不承認節日的威力，它使我這個自以為傷口經已結疤的人感到有一份不安和孤單的感覺，還不時心存期望/幻想。人就是這樣賤！擁有時不會珍惜，失去了才知(它/她/他)的重要性；天星碼頭如是、女朋友如是、朋友亦如是...

今年是在下於近十年內第一個孤單聖誕節。點解？因為家人都北上玩樂，只餘下在下留港看屋 和 工作...。唉！以前在多人的場合就好討厭嘈吵，家陣面對家裏四壁同埋一間雜亂的房間，好悶！可惜身體好似唔多好，唔係大可以出去玩 (雖然明日要番工)。每人有每人的選擇，我選擇左咁樣，其實都唔係好慘 gel~ 慘，其實係一個對比：當全部人都著住麻衣布鞋，大家唔會有貴賤之分；但當有人穿金載銀招遙過巿，嗰班麻衣布鞋見到就自慚形愧。但當麻衣布鞋見到班無衫著時，又會覺得自己其實過得唔錯。咁...究竟係乜野令到嗰班人心景改變呢？心，點解要受到一 D 外在的事影響？hm...好似講緊佛經咁...不過自問亦未去到化景，否則就不會每逄佳節倍思__。(認識在下的各位可以自行填上~)

天呀！自知係一個自私的人，但可以賜一個節日女朋友俾我嘛？只係拖下手、行下街、同埋俾我送佢番屋企就得 ga la~!!! No Kiss, No Sxx, 都無問題...不過我只係在節日時使用...平日我要自由，唔要有人煩住我問我幾時去左邊、做過乜、做乜唔覆電話、做乜唔理佢、etc...(明白的人不用講都明、不明的人...算啦！試過你就知！)。天~ 如果覺得無問題的話，請於廿六日變個出黎 (我成個聖誕的唯一假期，當日再有人同我講工作 或 關係的事...唔好怪我出手狠毒)

~ >.< ~ 係呀~ 我同 PM阿蟬一樣呀~ 又要馬兒好又要馬兒不吃草呀~!