一日之回顧

今早由於發夢關係，七時左右醒了；但亦由於天氣泠，我又睡了！睡到七時半，任性和拖延一起來到，攪到八點幾才出門口。我唯有坐最貴的巴士 + 小巴上班。不知為何，好像早一點的車沒那麼擠...難道一般香港人都是愛遲到的嗎？

由於上星期六不用上班，我今朝一起身已經有一個好明確的目標 -- Bug 在，人在 [意指 Bug 在話我便要留在 Office]！可惜到最後，當我意途 Merge Code 時...下載了最新的代碼...卻發現...compile 不能...Mother...最後...九時逃離公司...

在車上...想也想不到會遇見阿雄！昨天見完，今天又見！點解係大家都咁夜走？！ Ha Ha ~ 咪又係因為番工...今朝有人俾呢條 Link 我，問我有無興趣！哈哈！興趣當然有啦 ~ 不過...我諗我都要睇埋年尾份工點收科先~ 我都唔想令到其他同事更加辛苦... 雖然我深信如果一間有Single Point of Failure 的公司是抵死 的！... 不過我暫時都仲未忍心放棄呢班好同事，或者係我仲未得到我想得到的東西！

下車時阿雄話有張 Coupon，好！擇日不如撞日！就去佐敦用左佢...不過杯薑母珍珠...真係唔喜歡薑汁千祈唔好叫...我地今日因為 Coupon 的關係所以叫左 Jumbo Size...平時真係唔好亂叫... D 薑味好行架！我地兩個人分一杯 Jumbo 都飲到伸晒脷！:p

今日又聽到一首我最好唔想聽的歌，入店時聽見鄭秀雯的歌都已經有所介懷。點知...黑仔起黎就真係唔想要乜就有乜...[點解我唔諗下中左六合彩會幾咁慘呢~!?T_T]。首歌係... [我捨不得你]...歌詞各位都應該好清楚，大意係話 個情人阻住左歌者的發展 (邊一方的發展無講明，總之係要高飛啦！)，雖好唔捨得，不過都係要放手咁啦 ~

人活得久了，少不免會苟且。人生於憂患，死於安樂。安樂左咁耐，我都應該係時間去飛！飛行之夢，你一到來我便會展開雙翼 隨風而飛！ Reference link