Skip to main content

等錯車

昨天,佷特別 ~ 特別在於 :
1) 肚痛了四天,朝早終於忍不住要睇醫生
2) 即使仲有少少肚痛,我依然番工
3) 終於記得帶手信番公司 請 同事食
4) 晚上到了沙田 跟 同事們打羽毛球
5) 打完波後,我任由最後一輛 85 號由我面前駛過,然後,我邊用手機看 Google Reader 邊等。等了三十分鐘才走去望一望個時間表 .... 最後一班車 已在 十一時 十分開出... 我印象中,我是第三次等這班不會開出的車。

人生旅途中,你又有幾多次發現自己在等一班不會再開出的車呢?得悉了後,你又如何處理?我們又有多少時間,可以讓自己活在 希望、期盼之中!?

我係咪都係時間醒一醒? 香港的 I.T. ...OK ~ 其實我無打算,亦不可能 改變現有的風氣 和 大眾對 I.T. 的認知。似乎出來工作這幾年,客戶都不太尊重我們這個行業。程式無誤係天經地義;一旦有錯就理應處斬 或者 凌遲處死,將你罵得狗屁不如。 當然,世界上總有些客人係客客氣氣,不過...真係少...如果有,通常佢都係編程出身的...

由我第一次接觸 I.T. 時 (在那個綠色螢幕 裏打 存在 1.2 吋磁碟的 遊戲 ),我已經覺得 I.T. 很神奇,人們竟然可以將這個小盒子內 製作出一個虛擬環境,讓小孩子樂此不疲。後來,由於大學時有機會學編程,一學便將自己本來是徧向 電子工程 的課程 轉向 軟件工程 (但遺憾 成績不好,轉不過去...)。出來工作後,還學會了如何用 PHP + MySQL 幫中小企做 Content Management System。之後還學了一大堆有關 Java 的東西,但...又如何,每次鄰居 / 親戚 問起我幹甚麼,我都要解釋一徧 我幹的是甚麼,還要婉轉地告訢他們 我不是電腦 / 電器 維修員,以免他們他朝一日見部 微波爐 壞左叫我去幫手整。這些都不打緊,因為我可以原諒他人的無知。

其實我工作但求做得開心快樂 (當然人工不要低過 巿價太多)。當我繼續往上爬時,我的知識和要求已經不再是 "Work 就算" 的 Level。有時候,有些人會覺得我很完美主義,但係我深信 Guru 所講 的 Object Oriented、Reuse、Design Pattern、Automation、Methodology 都係經過歲月過濾後得出的智慧成果、金石良言。 但係...點解...永遠都因為無時間 同埋 唔夠人 而 放棄使用,而選用 Code and Fix ,而最後又重蹈覆轍!?最難受的不是那些 付出過的精神和時間,而是 不止一次見到 而不知如何去阻止。這感覺就如 天馬醫生 見到 約翰 N 次殺人 而又阻止不到一樣的痛苦...

面對電腦、程式,要找錯跟對一試便知;但人類...真的很難攪得清楚明白。自問自己不太懂得處理人的問題,如果要進身去管理,只怕在下會令很多人都很難受 (在下信法家 的管理哲學)。

老實講,在下現在都仲未敢走出 I.T. 界 呢個安全地帶,但係...最近我已經覺得再留於此 就如 等那輛不會開出的巴士一樣。係咪都應該係時候,改坐另一班車!?雖然去的地方不如我的初衷,但始終有車會來 而且 會去到更近我 目的地 ~~~

Btw, 我的目的地 : 很悠閒地生活 而且不必任何人 (包括自己) 擔心 ~~~

Comments

Anonymous said…
想要整頓或創新,只有你是老大或者全部都是同樣想法的人才行。香港或者外國都是一樣的。
Anonymous said…
你就快完成整個黯然銷魂的過程,家下係最黑暗,最令人感到沮喪,最使人萌生放棄念頭的時候。

過了之後,你會正式成為 Quad Core,請不要放棄IT,香港IT係需要你這樣的綠洲。

^_^
Kenny Yan said…
>小影
但似乎香港很少這類人...

>Alex
我同自己講 ~ 最後今年,如無起色,不如不做 ~
安諾勿斯 said…
堅兄仲咁後生仔,唔好咁輕易放棄。最緊要知道自己o既目標同埋長短處。其實,唔係一定要轉行,倒不如出外走一轉,可能會有新體會。

法家o既管理哲學?堅兄咁執善固執,絕配。
Kenny Yan said…
>安兄
在下只係在盤算 是否 等錯車... 可能是在下不夠經驗,可能是在下性格有殘障,可能...它一心要試驗我...

放假到布吉時,在下在僅有的時間內 反思了一下,是我的命水差 還是 際遇差...個個 Project 都有中左以下幾點 :
* Ad hoc requirements management
* Ambiguous and imprecise communication
* Brittle architecture (architecture that does not work properly under "stress")
* Overwhelming complexity
* Undetected inconsistencies in requirements, designs, and implementations
* Insufficient testing
* Subjective assessment of project status
* Failure to attack risks
* Uncontrolled change propagation
* Insufficient automation
(from RUP @ wikipedia)

次次都係咁...而我坐以待斃...又次次都甘願自我犠牲而成全大業 ~~~ 少不免有點累...今次,絶望的層面已經推廣到香港整個業界。

Btw, 其實各位有無聽過話香港有 成功的 J2EE Solution 例子呀?在下孤陋寡聞...
安諾勿斯 said…
哈哈,十樣中哂,仲勁過中六合彩。

做親啲project都爛尾,其實都幾黑。不過,如果project都未爛尾,而堅兄就真係「坐以待斃」,就好似唔係講得幾通囉。

一人之力好多時唔可以改變啲乜o野,但係「坐以待斃」等如冇嘗試,冇試過點知冇o野可以改變到。更何況,大改變係由好多小改變累積而成。一步到位唔係唔得,不過有難度。由啲就手o既小改變一步一步做,可能有意想不到o既收獲。

同埋,針拮唔到肉就唔知痛,要人聽得入耳,最好係係人地踩到蕉皮跌親,你扶起佢後,佢正想講多謝o既時候,你話佢聽可以點做,佢就最入耳啦。
Kenny Yan said…
坐以待斃...就即係等個 Project PK 希望 d 人會醒覺 law...但係...d 人去到嗰一刻又只會更加努力去做埋 d 更 labout intensive 的工作...仲要有以下對白
"老闆, 唔夠人呀!"
"好多問題呀...I have try my best ga la"
有幾多個 Sacred Cow 係會努力改進 ga ~

同好多人講 做 JUnit、做好 d OOAD,一般反應都係話無時間 ga ~ 但係去到最後咪又係A 改完個 bug 就 overwrite 左 B本來個 functionality ~ 永遠都係唔夠時間...永遠都係 "無辦法啦...無時間" 最後咪由得佢炒粉 law ~ 講左唔聽...我真係...無能為力...但求自己唔似佢地就算 ~

I HATE THAT!
安諾勿斯 said…
又真係幾無奈o既…

啲人要死,真係冇佢辦法。小弟跟過個pm又係呢種人,叫佢做好啲process又唔聽,又唔識得protect自己,係咁俾人撳住打,要小弟食哂佢啲屎。最後,老闆都頂佢唔順,炒o左佢。

講真食佢啲屎o既時候,真係學到好多o野,學到唔少暗黑兵法。到而家,諗真啲反而要多謝佢。
Anonymous said…
趁後生,不如去其他IT公司觀摩o下. 何況魚唔過塘,真係唔肥.
Kenny Yan said…
>RICA
肥我個身體就已經好肥 ~~~ XDDD
不過呢...每次去到新環境,又要重新定位、再同 d 同事攪好關係、又要 set up 好個 communication protocol ~ 都幾花時間 ~~~

現在工作,公司為左減少打後的開支,都係用 合約制咁請人。雖然係會做得無乜歸屬感,不過亦因為咁 ,所以做得唔高興,就真係可以即時同佢 say Good Bye ~~

Btw, 我個 topic 係等錯車...寫的時候, 在下覺得...係香港的 I.T. 無希望 ... 諗住一係番大陸...一係就出外國...唔留在香港 dup 石仔

Popular posts from this blog

機構目標 Organization's Objectives

 今早 發生了一個小故事. 是咁的, 今早有位快递員送了一個 生果 籃到在下家. 過了一段時間後, 該 快递員發了個語音訊息給在下, 問可否拍一張 生果 籃的照片並傳給他. 當時在下已跟內子把該 生果 籃拆了, 並將生果放入雪櫃.  該 快递員又發另一個語音 請求如若生果尚在的話, 可以隨意放回再拍照給他, 好讓 他交差.  是日在下十分合作, 如他所願地發了他需要的照片好讓他交差. 在這個故事內, 我可以推斷 / 想像到 該機構 需要快递員 拍照以證明生果 籃在甚麼情況下送到目的客戶地址。但若然  快递員 忘了這一步呢? 若果快递員對閣下作出以上要求, 閣下又會否理會? 在一個人多的機構內, 很多時候都有很多大家都不太明白為何要做, 但大家都正在做的程序。會不會都有跟以上故事差不多的效果? 也許閣下會覺得 在下沒有勇氣對該 快递員 直斥其非, 只敢在這吐糟。不過, 這個是  快递員 的錯嗎? 非也, 是因為香港土地不足!!

是日金句

星期五有幸聽到呢一句 "山不轉路轉、路不轉人轉" 當時我理解為 "盡則變, 變則通". 然後在 網上再找找 又找到更多的解說. 當時亦在腦中播出 劉德華 劉天王 的 常言道 BTW, 這個 LMGTFY 網站似乎最近改變了不少...

腦風暴 BrainStorm

1) 鄧小平 有一名句:「不理黑貓 還是白貓,找到老鼠的就是好貓。」(*雖則最平有 綠貓 和 透明貓的出現)。那我又為何老是要人家 接受我的那一套呢? 2) 用管理流水作業生產模式去管I.T. 並不適合。 3) 不要以為你工作比較久,經驗就一定豐富。I.T. 是日新月異的,昨日用的方法,明日可能會有更好的,所以不進修、不多留意業界,就等於令自己 Fade out ~ 4) 作為小的不要老是依靠老大的帶頭改變,如果每一樣東西都必定要由 老大 去提議 / 決定,那麼老大走了世界又會變成甚麼?小的之所以能變為老大,是因為他們擁有變成大人物的要素 - 看到問題,幫手解決;當然小的亦可以很簡單地怨天尤人 ~ 那麼一輩子可以過得簡單一點。 5) 在 [你會問問題嗎?] 一書內,作者引出一個對我來說是一個很新的想法,又或者 依小影的說法 那是一個巧妙的心理陷阱。要看一個領導是否能幹,不是看領導在場的時候手下甚麼做事,而是要看領導不在時手下甚麼做事。 6) Single Point of Failure = Fatal! 7) 我很容易動怒,之後作人身攻擊... 8) Pointing finger does NOT give much positive impact on the whole company. 指出了別人的錯誤並將他 凌遲處死 當然可收 以警傚尤 之效,但是我們是否可以再多走一步,審視一下是否 系統 / 制度上有問題 ? 9) 如果每次都要 上級 明確地指出我的錯誤,那我未免太遜了! 10) 要提醒自己不要被負面思想 / 文化 侵蝕~!! 11) 為甚麼要用 coding standard ? I.T. 這行的流動性大,寫這個 program 的人明日可能已經不再在此。如果程式是依照的是業界標準寫的話,接手的人不就會比較容易看明白嗎?! 12) 接收反對的聲音...積極的溝通,尋找共同的目標,非對抗...