裝修

對上一次裝修時，父母設計了一間三房一廳一廁一廚的單位。本意是給當時十歲的我和妹妹同住一室，騰空出一間客房。後來因為我和妹妹都大了，需要私人空間，所以我用了大房，妹妹就住在客房了。不過最值得留意是當時父母買了一張雙人床給我...當時我只是個初中...難道他們老早就知道我呢個衰仔會攪出人命 預左我好快結婚 !? 還是想我肥 D (我初中學時代係瘦 ga) !? 無論如何，今次裝修以後我的房間將會縮細，我的那張雙人床亦會因而退役(陪伴我多年，辛苦妳了)。

以往都沒有想搬出這地方的念頭，因為亦因為咁而俾人話唔上進。其實我覺得間屋又唔係唔住得，為乜要要花咁多錢去供樓？！幾百平方呎的空間要兩夫妻用二十年時間去供，日子過得辛苦，供完並不等於間屋永遠是你所擁有---土地是政府所擁有的，一般所講的"買樓"其實是向政府租幾十至一百年土地...唔係買斷，既然都係租...咁做乜要咁快就綁死自己 d 錢？