只差一點點

這個週末都去了掃墓，本來都一齊安好，可惜我這個低能兒星期五去了做 Gym，操腳，整到一對大腿都肌肉酸痛...

今天去和合石掃婆婆的墓，回程時差一點點就去了陪婆婆。當時我跟表弟一起拉著行李車子落山，我跟表弟講起 火之煉金術士 (網之煉金術士[漫畫] 中的人物)如何出招時，突然面前一件黑色物體從高處墮下，發出巨響。頃刻我跟表弟都停了下來，一看之下，在咱們兩步之前有一大塊樹皮 / 一小部份樹枝 (大約三十厘米) 散了在地上。四圍的途人都嘩然，表弟即時問我：「嘩！堅架！？」我仲未來得切反應就有師奶叫我記得今晚買六合彩 [我心諗...係咁好彩就唔駛買都有錢收啦 (貪心到我呢...)]...

事後問表弟，有乜野諗到，佢笑笑口咁講，如果呢個世界上無左 網煉呢套 漫/動畫，咱們就可能因為行快左兩步，中左頭奬...

我其實心諗，如果嗰一下真係打左落黎，就咁 Game Over...咁...我的葬禮上的親朋戚友又會點同我定論呢...你有想過這個問題嗎？