農場會議

2-Sep-2009
今日開工完畢後，老闆叫晒所有住在農場的人去我們其中兩位韓國(情侶)同事住間屋附近等，好似有野講咁...
當佢黎到，佢就指住個韓國男同事狂鬧。老闆今日响間屋出面搬野，黎到屋外見到成地滿晒煙頭，佢就走左入去間屋睇左一眼...佢就堂無名火三千丈 --- 屋內地上好多泥 同埋 煙頭，一行入去就成股煙味... 我仲以為去左個黑巿賭場。
老闆就超嬲地話：「你(韓國同事)同你屋企人住都係咁架！？你完全唔尊重個地方，呢度唔係 背包客棧，住得入黎就要令到個地方乾乾淨淨 & 整整齊齊。任何人如果唔想住响度的話出聲，可以即走！我先至唔介意！有無人有問題！？呀...我知道唔係人人都會攪到地方咁，不過我真係唔想有人攪到我租出黎的屋咁樣 ~~~」
就係咁，我同阿輝 又聽到佢小人...
P.S. 開會之前我地十幾個人企响間屋出面等老闆出現時，阿輝問我：「開呢個會當唔當係開工架？」