人生的第一次 (三)

七月廿二日
連續兩天的睡眠加埋都唔夠十個鐘，十分睏。一早按摩以後去了為下週日的 Boat Trip 開會。事後還約了位朋友去家樂坊買飾物 --- 手鐲一只。還記得上次買的那個 PlayBoy 鏈嘴，滿心歡喜買了回來後，問十個人 十個都說 看起來很 GAY...OTL 所以今次我點都帶埋個女仔去幫下眼，費事浪費金錢。

細細(我家的西施狗)由上午開始已經開始喘氣、咳，還因為之前都試過係咁上下，所以上午沒有理會牠。但到了晚上，還在喘...看起來很辛苦。本想去帶牠去 看廿四小時診所，但一問之下，夜診收費為一千一百大蚊。由於最近荷包肝硬化的關係，所以叫了細細唔好喘住 (而奇又奇在 入夜後牠沒有之前喘得那麼犀利)。

七月廿三日
今天很不舒服 : 喉嚨痛、鼻塞、流鼻血 (仲要係兩邊一齊流)、頭暈乜都有，請了一天病假。妹妹還是陪著細細，而細細就還在喘氣。妹妹替牠預約了獸醫，我們一行二人食過午餐後便飛的去旺角太平道。這是我第一次帶同細細去睇醫生，但這並不是一件好事。獸醫做了檢查後便說：「細細心跳得好似洗衣機咁，仲喘氣喘得咁利害，他應該是心臟病發了。看！牠的牙肉是白白的，舌頭有點藍，即是說有點兒缺氧。如果將心臟病分為五個級別的話 : 一最輕微、五最嚴重，細細就是在四級左右！牠還有肚積水。我地要同佢驗血和照 X 光 ......」聽到這裏，妹妹的表情由十分錯愕變成萬分悲傷，還追問了如果昨晚來看的話會否有所改善。不知醫生是想安慰，還是認真的答：「其實如果係心臟病的話，遲一兩日的分別不大。」

送了細細入院後，我因為吃過藥的關係，超級睏。所以又飛的回家睡覺。妹妹一回到家，可能想起細細的現狀，又哭成淚人了。其實大家一早都知道 人比狗長壽，總有一日牠會先行別離。但係人非草木，又豈會無情呢？

細細今年十二歲了，我們在牠三個月左右開始養牠。由四處大小二便教到會拍廁所門叫人開門給牠去排泄、由一隻只有手掌般大 養到 渾身是肉 再到如今瘦到得番副骨、由不懂聽指令 去到 現在好像聽得懂我們說甚麼，所有的事都深深的刻了我們一家人的心中。在診所內，我要算的是細細的生存機會 和 今次醫療費用 (香港人嘛!!)；回到家，上了床進入休眠狀態時才 矇矇矓矓 地想起 和細細的往事。我手上有一度傷口是細細所賜的呢 !! 牠還見過我兩個前度女友，亦睇住我越黎越肥，同時亦見住我的改變 : 以前我放學回來會同佢出去走廊跑來跑去；現在我放工後就只會坐到電腦枱前面打字 (打機、打blog、睇 blog、做野、etc)。

今天是沒有細細的第一天，有人出入屋企，我們要靠自己的耳朵了，因為今天細細在診所休養。