Kenny The Lord

15-Sep-2009 今日食午飯時，聽到同事們在說韓國情侶在工作時間 & 地點 因口角而大打出手，要另一位同事上前把他們拉開。 雖然此事唔關我事，但將私人事到去工作就真係...覺得很麻煩！ 我是反對辦公室談戀愛的！！ 當然，最後當老闆知道左之後又會講番佢的口頭禪啦 ~~~我都廢事再聽啦 ~~~

13-Sep-2009 今朝早上見到有人在我 Blog 上留言說她今日便由 Cairns 來到 Mareeba 找工作。我見她留了電話便致電給她。 孤身一個香港女仔，來 Mareeba 的原因是在網站上見到這邊多農場工作。當我問她打算住哪兒時，她說 不知道！！！ (我同阿輝在倒垃圾時 送了她去附近的 Caravan Park) 真是一個心口掛住個勇字的人！！

12-Sep-2009 由我地第一日番工阿老闆同我地提過的 機械 終於在上星期六正式使用 各位都熱切期待它可以令工作無咁辛苦，點知... >. 當我們第一次人手摘南瓜(ButterNut)時，我們三個人(二人剪一人執)用了四日時間把一塊南瓜田內的所有南瓜收集 (大概是十二個 人日 [Man Day]吧)，但那次是我們的第一次，有少許時間用了於學習和重做 ---我們把南瓜剪得太長，所以要花半日間去重剪，所以在下估計一塊田需要用十個人日便可以完成。 機械其實只是一條架在差車頭的八米輸送帶 --- 它有兩部份：橫向輸送帶 和 可調教傾度的向上輸送帶。使用時至少需要兩架車、兩個司機、一個人站在 Bin 上將送到上來的南瓜安放好 (否則它們會瘀傷) 和幾個人站在輸送帶前面執南瓜。今天執南瓜的人有四至五個，即是說...如果一天內清不到一塊南瓜田的話，就是人力物力的投入大了，但結果卻減少了... 除了這個 ROI 問題外，使用這台機械還有很多限制的。 1) 由於每次使用它都必需兩台車平排同行，所以我們必先清理好半塊田才可以使用它... 2) 駕車兩位司機必需一眼關七 (要看在 Bin 上的人，亦要看輸送帶前面的人，又要看另一輛車是否同速度前進，少些警覺性都不行) 3) 輸送帶不時會卡位南瓜 4) 如果南瓜太重的話，站在 Bin 上的人會很危險

10-Sep-2009 事件一 記得幾年前在跳舞班內，有位太太突然跟我說我很像一個明星，但是想了很久也未能記起其名字，當時我只笑笑口回應 「係咩！？」，心想連名都記唔起都唔方係大紅人。及後，她女兒提了她一提，她突然大叫：「呀！我記得啦！係最近好紅嗰個孔哥哥呀！」 我想...你也大概知道她指哪位孔哥哥吧！ 如果你真的想不到，想一想 William Hung 吧！ 事件二 前陣子三位美笑女把我兩張相比較，突然發覺在下在某些角度看來真的跟孔哥哥很像樣... 事件三 今日，在晚飯時間，電視突然播出 孔哥哥 的成名鉅曲 - [She Bangs]，屋內的韓國人都大叫，問我何時接受過訪問... 其實類似事件不止三件，只是第一件記憶深刻，而第二三件最近發生...結論就是...在某些角度我真的像孔哥哥...

5-Sep-2009 在農場番工都番左半個月有多，同屋企人都無乜聯絡咁滯...更何況係各位親朋戚友呢... 放心，在下過得很好，食得飽，瞓得好，住得好，個老闆係先小人後君子左少少 gel，我頂得住架！ 你地點呀？得閒可以寄電郵給我呀，我在農場找到個方法可以上網睇野呀！(雖然個樣有點兒怪)

3-Sep-2009 除了第一星期摘過下南瓜之外，在下都兩個星期摘香草，豈料隨著新人(愛爾蘭情侶)加入後，我同阿輝在星期四又要回到南瓜田工作... 之前從韓國同事那邊打聽過話老闆一向都想找 歐洲人(尤其係俄羅斯人) 過黎摘南瓜，因為佢地身驅龐大而且好氣好力 (呢一點我絶對同意！Estonia 男仔絶對係全個農場最好氣好力的人)。我仲以為佢同我咁 gal 身型唔會安排我地摘南瓜 tim...唉...下次都係聽完就算...唔好又定錯期望... 回到南瓜的第一次，天暗暗的，不時都有雲同有風，絶對係好好的戶外工作時間。亦因為唔多見太陽，在下就除左件風褸，除埋件長袖衫...得番件短袖衫...個問題就係在下明知陰天都有紫外線都仲要著住件短袖衫摘足一日南瓜，到放工嗰陣先至諗係咪晒傷左...真係攞黎衰... 在下當然係晒傷左對手啦...好在當日唔係著背心打底...否則仲衰... 第一日的成績係...四個人做左五條 Lane，填滿左二十個大紙箱 (每個可容納半噸重的南瓜) 第二日 (星期五)的成績係...清唔晒成塊田 (一塊田有八條 Lane) [因為最後的三條 Lane 好有好多雜草]但填滿左廿六個大紙箱！！ Btw, 明日(星期六) 都要開工，不過老闆話明日俾我試下做 香草包裝 [因為今日有個做香草包裝的韓國同事整親手]...Wow~ 為我祈禱吧！ P.S.1 阿輝同我都覺得老闆在呢個星期好似對我地好左少少...唔知係因為佢心情好呀...定係我地無俾佢捉到 Hea 而入唔到我一套，所以焗住要打招呼 或 笑笑口...Anyway，都係唔鬼好理佢點解，有工做有糧出就算！ P.S.2 呢兩日我同阿輝都係剪南瓜，同埋拋南瓜上車，好少執南瓜，辛苦兩個鬼仔啦 ~~~~ 無法啦，對上一次我執左半日大腿就坐廁所都痛...所以今次我同阿輝死都拿住把剪鉗！！！

2-Sep-2009 今日開工完畢後，老闆叫晒所有住在農場的人去我們其中兩位韓國(情侶)同事住間屋附近等，好似有野講咁... 當佢黎到，佢就指住個韓國男同事狂鬧。老闆今日响間屋出面搬野，黎到屋外見到成地滿晒煙頭，佢就走左入去間屋睇左一眼...佢就堂無名火三千丈 --- 屋內地上好多泥 同埋 煙頭，一行入去就成股煙味... 我仲以為去左個黑巿賭場。 老闆就超嬲地話：「你(韓國同事)同你屋企人住都係咁架！？你完全唔尊重個地方，呢度唔係 背包客棧，住得入黎就要令到個地方乾乾淨淨 & 整整齊齊。任何人如果唔想住响度的話出聲，可以即走！我先至唔介意！有無人有問題！？呀...我知道唔係人人都會攪到地方咁，不過我真係唔想有人攪到我租出黎的屋咁樣 ~~~」 就係咁，我同阿輝 又聽到佢小人... P.S. 開會之前我地十幾個人企响間屋出面等老闆出現時，阿輝問我：「開呢個會當唔當係開工架？」

在農場，日日都過住簡單的生活。 星期一至五都必定會開工，由朝七點半做到五點半，中間有兩個 十分鐘的小息 (分別在上午十時 跟 下午三點) 同埋 一個鐘無薪的午飯時間。 星期五晚就要問定老闆 星期六駛唔駛開工。不過就算星期六要開工都唔知要開幾耐，有時只係得半日，有時要開全日，全部都係睇老闆頭，不過好在我地住在 Farm 又無自己車，星期六都唔會有咩計劃 (呢個都係儲錢的好方法)。 番工的時間真的過得很慢, 但由於真係無乜特別事做過，所以回頭一諗就好似係剛剛才開始的事。我地每日都係番工做到放工, 然後我就同阿輝(一人一次...或者...能者多勞啦)煮 意粉 (Gilbert 你地講得啱...真係最平同埋方便係意粉...) 或者 即食麵。每次煮野食都係一次煮兩餐 (是日晚餐 + 明日午餐)，咁翌日就只需要微波叮一陣就食得，快捷方便！ 農場內住了十個人，分別來自 Estonian、香港、韓國 和 法國 四國。上星期六 韓國同事話想攪 Party，各國代表都要煮一味菜。我地本來打算煮"老"水鷄翼，點知 Coles (超巿) 竟然找不到...最後阿輝決定用叉燒醬鷄翼頂上。結果？結果當然係令人滿意啦~~~~ 韓國代表焗鷄；Estonian 代表將肥豬肉放在薯塊上焗；法國代表焗芝士薯塊；我地...先將叉燒醬塗上鷄翼等大半個鐘，然後於入焗爐焗半個鐘，最重要都係個醬！

31-Aug-2009 我成日都同自己講要知足架，學阿 Joy屎 講 "日日有工開 已經唔錯"；但貪心的我又豈會只安定於此呢!? 在下當然繼續睇下外面有無世界撈啦 (Mango Mango I want to pick u) ~~~ 前幾日，個 Farm 內的幾個韓國人有點口角 (沒有去到要動武的情況)，老闆竟然走去介入做和事佬，當然...唔係用和事佬的口吻啦！ 呢個老闆當然繼續用 "我日日都收到人打電話問佢有無工做...你們唔做，大把人做！唔好俾我見到 XYZ，否則你地即走！" 之類的說話。佢好似每次有事都係咁講，anyway，雖則唔係同我講，但我都差唔對佢呢句口頭蟬麻木晒！