Feedback

前幾日...食飯時，我又對周邊發生的事破口大罵 ~ 事情係咁 gal ~

Story Starts
話說當日坐地鐵(應該叫港鐵啦家陣 ~~XD)時，在下排在列的第一位，本著先落後上的想法，先讓車廂內的乘客下車，點知...後面兩個帶住一仔一女的婦嬬就即時撞開我逆流而上，衝入車廂內 ~ 我心諗，當妳地超級累 ~ 俾妳地入先囉 ~
都算啦 ~ 入到車廂內我才發覺嗰兩個小朋友一個食 "痴"飯，另一個卻在食類似 媽咪麵的東西。小朋友唔識兼忍唔到肚餓可以原諒，但係妳地兩個阿媽可唔可理下周圍人的眼光呢？妳地真係以為妳對仔女好得意所以 d 人用怒目去望佢地呀？
好 ~ 就當妳兩個唔識字，亦睇唔到 "不准飲食"，更加聽唔到個 "入閘後及車廂內嚴禁飲食" 的廣播 ~ 但係妳地可唔可以叫嗰兩個小朋友食嗰陣唔好傳黎傳去呢？

最後點？咪成包麵倒到一地都係囉 ~ 本意就係唔想搞到 d 地方邋遢，妳地就...
Story Ends

講完之後，在下俾人反問，點解...成日都好似咁鍾意批評人地...

無可否定，我真的習慣了找到錯處、問題所在。很多時間，知道有問題但不會解決，又或者係...解決不到...別人的事，我想理都理唔到，想教都要人地想學先得...

成日同自己講，要學會放鬆!!!同埋 work on my circle of influence!!!唔好俾人地的評語剌激到自己的情緒，但...係...又真係好難呀 ~~~ 我要多 d 經驗...睇黎要衰多幾次先得...

Btw, 在下亦決定以後不在公共交通工具內食野!